សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន១៥នាក់ត្រូវបាននគរបាលឃាត់ខ្លួនកាលពីវេលាម៉ោង០០និង២០នាទីឈានចូលថ្ងៃទី២ កញ្ញា ២០១៩នៅចំណុច ច្រកចូលភូមិព្រៃទា១ កែងផ្លូវសហាវិថីព័ន្ធរុស្ស៊ី សង្កាត់ចោមចៅ៣ ខណ្ឌពោធិ៍សែនជ័យ ក្នុងនោះមានចំនួន១០នាក់ជាមុខសញ្ញាប្លន់នៅខណ្ឌសែនសុខ ។
ប្រភពព័ត៌មានពីនគរបាលបានឲ្យដឹងថា មុនពេលកើតហេតុកំលាំងអន្តរាគមន៍ពិសេសនៃអធិការរដ្ឋាននគរបាលខណ្ឌពោធិ៍សែនជ័យ ល្បាតក្នុងមូលដ្ឋានក៏ប្រទះប៉ះក្រុមក្មេងទំនើងចំនួន១៥នាក់ ដោយមានការសង្ស័យក៏ឃាត់ពិនិ្យនិងនាំយកទៅប្រគល់អោយ ប៉ុស្តិ៍នគរបាលចោមចៅ៣សួរនាំ ។
ក្រោយពីសួរនាំរួច ចម្លើយសារភាពរបស់ក្មេងទំនើងចំនួន១០នាក់ ជាប់ពាក់ព័ន្ធនឹងករណីវាយប្លន់ចំនួន២ករណីក្នុងខណ្ឌសែនសុខ កំលាំងនគរបាលខណ្ឌពោធិ៍សែនជ័យបាន ទាក់ទងប្រគល់ជនសង្ស័យទាំង១០នាក់ទៅខណ្ឌសែនសុខសួរនាំតាមនីតិវិធី ។
ដោយឡែកក្មេងទំនើងចំនួន៥នាក់ទៀត សមត្ថកិច្ច បានអប់រំ និងហៅអាណាព្យាបាល មកធនារួចប្រគល់អោយត្រលប់ទៅផ្ទះវិញ ។ ជនសង្ស័យទី១ ឈ្មោះ ធារ៉ា ភេទប្រុស អាយុ២០ឆ្នាំមុខរបមិនពិតប្រកដ ។ ទី២រិនរ៉ូត ភេទប្រុស អាយុ១៩ឆ្នាំមុខរបមិនពិតប្រកដ ។ ទី៣ រ៉ុង សុផា ភេទប្រុស អាយុ១៦ឆ្នាំមុខរបមិនពិតប្រកដ ។ ទី៤ ឈ្មោះ សូត ឡៃហ៊ាង ភេទប្រុស អាយុ១៨ឆ្នាំ មុខរបមិនពិតប្រកដ ។ ទី៥ ឈ្មោះ ហឿនបញ្ញា ភេទប្រុស អាយុ១៥ឆ្នាំ មុខរបមិនពិតប្រកដ ។ ទី៦ ឈ្មោះ ទេស ណារដ្ឋ ភេទប្រុស អាយុ១៩ឆ្នាំ មុខរបមិនពិតប្រកដ ។ ទី៧ ឈ្មោះ ម៉ន ឈុន ភេទប្រុស អាយុ២០ឆ្នាំ នាំមុខរបមិនពិតប្រកដ ។ ទី៨ ឈ្មោះ សុខ គា ភេទប្រុស អាយុ១៧ឆ្នាំមុខរបមិនពិតប្រកដ ។ ទី៩ ឈ្មោះ អានសេង អាយុ១៥ឆ្នាំមុខរបមិនពិតប្រកដ ។ ទី១០ ឈ្មោះ ប៉ុនធឿន រតនះ ភេទប្រុស អាយុ១៦ឆ្នាំមុខរបមិនពិតប្រកដ ។
ក្រោយពីសួរនាំរួច ចម្លើយសារភាពរបស់ក្មេងទំនើងចំនួន១០នាក់ ជាប់ពាក់ព័ន្ធនិងករណីវាយប្លន់ចំនួន២ករណី ក្នុងខណ្ឌសែនសុខ កម្លាំងនគរបាលខណ្ឌពោធិ៍សែនជ័យបាន ទាក់ទងប្រគល់ជនសង្ស័យទាំង១០នាក់ទៅខណ្ឌសែនសុខសួរនាំតាមនីតិវិធី ៕ សុខាសែនជ័យ
