សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ បុរសម្នាក់ត្រូវបានប្រជាពលរដ្ឋប្រទះឃើញដេកស្លាប់នៅលើកំណាត់ផ្លូវជាតិលេខ១ បង្កឲ្យមានការភ្ញាក់ផ្អើលនៅវេម៉ោង៦ព្រឹក ថ្ងៃទី០៧ ខែកញ្ញា ឆ្នាំ២០១៩ ត្រង់ចំណុចចន្លោះគីឡូម៉ែត្រលេខ៥៣-៥៤ ស្ថិតក្នុងភូមិក្បាលជ្រោយ ឃុំកំពង់ភ្នំ ស្រុកលើកដែក ។
ករណីនេះត្រូវបានសមត្ថកិច្ចនគរបាលស្រុកលើកដែកបញ្ជាក់ថា ជនរងគ្រោះស្លាប់ដោយសារគ្រោះថ្នាក់ចរាចរណ៍ ពោលគឺត្រូវរថយន្តមិនស្គាល់ម៉ាកបើកបុកខណៈដែលជនរងគ្រោះរូបនេះកំពុងដើរនៅលើផ្លូវជាតិលេខ ។ ក្រោយពីមានហេតុការណ៍កើតឡើងរថយន្តបង្កបានបើកគេចបាត់ ពុំត្រូវបានគេស្គាល់ម៉ាកឬស្លាកលេខនោះទេ ។
មន្ត្រីនគរបាលស្រុកលើកដែកបានឲ្យដឹងថា ជនរងគ្រោះស្លាប់បាត់បង់ជិវិតនោះពុំត្រូវបានស្គាល់អត្តសញ្ញណនោះទេ (ជនរងគ្រោះជាមនុស្សវិកលចរិក) ។ ក្រោយពីពិនិត្យនៅកន្លែងកើតហេតុរួចមក សាកសពជនរងគ្រោះត្រូវបានដឹកយកទៅបូជានៅវត្តគីរីរតនារាម ហៅវត្តកំពង់ភ្នំ ៕ ស្អាងជ័យ
