សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ នៅថ្ងៃទី១១ ខៃកញ្ញា ឆ្នាំ២០១៩ វេលាម៉ោង៨និង៣០នាទីព្រឹក ប្រជាពលរដ្ឋឈ្មោះ ខា សុខឃឿន ភេទប្រុស អាយុ៣៥ឆ្នាំ រស់នៅភូមិឈក់ ឃុំចុងកាល់ ស្រុកចុងកាល់ ខេត្តឧត្តរមានជ័យ បានប្រទះឃើញគ្រាប់មីនមួយគ្រាប់ ដែលសេសសល់ពីសម័យសង្គ្រាម។
សមត្ថកិច្ចបានឲ្យដឹងថា បុរសខាងលើ បានទៅដាក់ជី និងបាញ់ថ្នាំស្រូវ នៅចំណុចវាលស្រែតាពិច ចម្ងាយពីភូមិបាត់ថ្កៅ ប្រហែល៣គីឡូម៉ែត្រ ក៏ប្រទះឃើញគ្រាប់មីនមួយគ្រាប់ម៉ាកT72A (មីនខ្យល់) ផលិតនៅប្រទេសចិន ហើយបានរាយការណ៍ជូនប៉ុស្តិ៍នគរបាល រដ្ឋបាលឃុំចុងកាល់ ស្រុកចុងកាល់ ខេត្តឧត្តរមានជ័យ ចុះទៅពិនិត្យ និង បានបោះបង្គោលចងខ្សែហ៊ុមព័ទ្ធធ្វើជាសញ្ញាគ្រោះថ្នាក់ រួច រាយការណ៍ជូនអង្គការហេឡូត្រាស្ត ដើម្បីមកយកទៅកម្ទេចចោល៕ ប៉ែន នួន
