សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ សមត្ថកិច្ចជំនាញបង្ក្រាបករណីជួញដូរគ្រឿងញៀនឆ្លងដែន ពីឡាវមកកម្ពុជា ចាប់ខ្លួនជនល្មើស ២ នាក់ និងរឹបអូសគ្រឿងញៀន ៣ គីឡូក្រាម ។
លោកនាយឧត្ដមសេនិយ៍ ម៉ក់ ជីតូ អគ្គស្នងការនគរបាលជាតិ និង ឯកឧត្តម ឧត្តមសេនីយ៍ឯក ឡឹក វណៈ នាយកមន្ទីរប្រឆាំងគ្រឿងញៀន បានចាត់តាំងកម្លាំងជំនាញ ១ក្រុម នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក វរសេនីយ៍ទោ ដុសវណ្ណា វឌ្ឍន: នាយការិយាល័យផ្សព្វផ្សាយអប់រំ(ក៩) បានចុះសហការជាមួយកម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តរតនគីរី ខេត្តស្ទឹងត្រែង និងខេត្តព្រះវិហារ ដើម្បីរួមគ្នាបង្ការ ទប់ស្កាត់ បង្ក្រាបបទល្មើសគ្រឿងញៀនឆ្លងដែន ពីឡាវមកកម្ពុជា នៅទឹសឦសាន ។
ជាក់ស្តែង សមត្ថកិច្ចជំនាញបានសហការរួមគ្នា(មន្ទីរ-ខេត្តរតនគីរី) បើកការស្រាវជ្រាវ ក្រុមបណ្តាញជួញដូរគ្រឿងញៀនឆ្លងដែនពីឡាវមកកម្ពុជា ដែលមានមុខសញ្ញាជនជាតិឡាវ-ខ្មែរ អស់រយះពេលជិត ២ខែមកហើយ ។
លុះនៅវេលាម៉ោង ១១.០០នាទី ថ្ងៃទី១៣ ខែកញ្ញា ឆ្នាំ២០១៩ សមត្ថកិច្ចយើង បានបើកកិច្ចប្រតិការបង្ក្រាបជាក់ស្តែង នៅពេលមុខសញ្ញាកំពុងជួញដូរគ្រឿងញៀនឆ្លងដែន នៅចំណុច ក្បាលស្ពានសេកុង ស្ថិតក្នុងភូមិស្រែពោធិ៍ សង្កាត់ស្រះប្ញស្សី ក្រុងស្ទឹងត្រែង ខេត្តស្រឹងត្រែង ។
ជាលទ្ធផល សមត្ថកិច្ចបានចាប់ឃាត់ខ្លួនជនសង្ស័យ២នាក់: ១-ឈ្មោះ ថង់ ភីន ភេទប្រុស អាយុ
៤១ឆ្នាំ ជនជាតិខ្មែរ ឡាវ មុខរបរ កសិករ។ ២-ឈ្មោះ ឡៃ ស៊ូលីប ភេទប្រុស
អាយុ២៨ឆ្នាំ ជនជាតិខ្មែរ មុខរបរ កសិករ។
វត្ថុតាងចាប់យករួមមាន : គ្រឿងញៀនប្រភេទមេតំហ្វេតាមីន (ICE) 2896.46g, ម៉ូតូ ១គ្រឿង និងទូរស័ព្ទ ១គ្រឿង ៕
