សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ហេតុការណ៍ភ្ញាក់ផ្អើលមួយ បន្ទាប់ពីរថយន្ដកូរ៉េធុនធំមួយគ្រឿង ខណៈម្ចាស់ចតទុកមុខផ្ទះត្រឹមត្រូវ ហើយចូលដេក ស្រាប់ព្រឹកព្រលឹមឡើងបាត់ឡានពីមុខផ្ទះ ទើបដឹងថា ចោរលួចរត់ប្តឹងនគរបាលកាលពីវេលាម៉ោង៣ទៀបភ្លឺ ព្រឹកថ្ងៃទី១៦ ខែកញ្ញា ឆ្នាំ២០១៩ នៅមុខផ្ទះជួលស្ថិតក្នុងភូមិត្រពាំងជ្រៃសង្កាត់កាកាប២ខណ្ឌពោធិ៍សែនជ័យជ័យ ។
ម្ចាស់រថយន្តដែលបាត់ត្រូវបានគេស្គាល់ឈ្មោះ សម សុវណ្ណារិទ្ធ ភេទប្រុស អាយុ៤០ឆ្នាំ មុខរបរលក់ដូរ ស្នាក់នៅបន្ទប់ជួលក្នុងភូមិត្រពាំងជ្រៃសង្កាត់កាកាប២ ខណ្ឌពោធិ៍សែនជ័យ ។ រថយន្តដែលបាត់ម៉ាក ហ៊ីយ៉ាន់ដាយ ពណ៌ខៀវ ប្រភេទកូរ៉េចំណុះ ១តោនកន្លះ ពាក់ស្លាកលេខ ភ្នំពេញ 2 AL-9715 ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ ម្ចាស់រថយន្តបានទុកនៅមុខផ្ទះដូចសព្វដងហើយបានចូលដេក ។ លុះដល់ព្រឹកឡើង ខណៈក្រោកពីដេក ស្រាប់តែបាត់រថយន្តតែម្ដង ក៏ធ្វើឲ្យផ្អើលឆោឡោរត់ទៅប្ដឹងសមត្ថកិច្ចជួយអន្តរាគមន៍ភ្លាមៗផងដែរ តែមិនដឹងទៅតាមរកនៅណាទេ បានត្រឹមដាក់ពាក្យបណ្ដឹងទុកប៉ុណ្ណោះ ៕ សុខាសែនជ័យ
