សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានករណីគ្រោះថ្នាក់ចរាចរណ៍មួយបានកើតឡើងបណ្ដាលឲ្យ មនុស្ស៣នាក់បានរងរបួសធ្ងន់ និងស្រាលរវាងម៉ូតូបើកលឿនមិនប្រកាន់ស្ដាំបុកអ្នកដើថ្មើរជើងយ៉ាងពេញទំហឹង បង្កការភ្ញាក់ផ្អើលកាលកាលពីវេលាម៉ោង៧យប់ ថ្ងៃទី១៦ ខែកញ្ញា ឆ្នាំ២០១៩ ស្ថិតលើផ្លូវក្រាលកៅស៊ូលេខ៣១៧ ក្នុងភូមិគ្រញូង ឃុំរមាំងថ្កោល ស្រុកស្វាយទាប ខេត្តស្វាយរៀង ។
សមត្ថកិច្ចនគរបាលស្រុកបានឲ្យដឹងថា អ្នកដើថ្មើជើងរងរបួសធ្ងន់មានឈ្មោះ ស ប៊ុនធឿន អាយុ៣៩ឆ្នាំ មុខរបរកម្មកររោងចក្រ រស់ក្នុងភូមិគ្រញូង ឃុំរមាំងថ្កោល ស្រុកស្វាយទាប ខេត្តស្វាយរៀង ។
ប្រភពបន្តថា ចំណែកអ្នកបើកម៉ូតូមានឈ្មោះ វង សារ៉ា អាយុ ២៣ ឆ្នាំ មុខរបរកម្មកររោងចក្រ និងអ្នករួមដំណើរជាមួយឈ្មោះ ទិត្យ សុភ័ត្រ្តា អាយុ១៩ឆ្នាំ មុខរបរកម្មកររោងចក្រ អ្នកអ្នកទាំងពីរ រស់ក្នុងភូមិស្រម៉ ឃុំស្វាយរំពារ ស្រុកស្វាយទាប ខេត្តស្វាយរៀង ។
តាមសាក្សីបានឲ្យដឹងថា មុនកើតហេតុ មានបុរសម្នាក់កំពុងដើថ្មើរជើងតាមផ្លូវតែម្នាក់ឯង ក្នុងទិសដៅពីជើងមកត្បូង ខណៈនោះស្រាប់តែមានបុរស២នាក់ បានជិះម៉ូតូមួយគ្រឿងម៉ាកហុងដា សេ ១២៥ ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ ស្វាយរៀង ១M ១៦១១ មិនប្រកាន់ស្ដាំ ហើយយប់ងងឹតផង ក៏បុកពេញទំហឹងបង្កការភ្ញាក់ផ្អើលដល់អ្នកភូមិតែម្ដង ។
ក្រោយមក អ្នករងរបួសទាំងបីនាក់ ត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្យខេត្តស្វាយរៀង និងវាស់វែងអូសយកម៉ូតូរក្សាទុកនៅប៉ុស្តិ៍នគរបាលរដ្ឋបាលឃុំរមាំងថ្កោល រង់ចាំដោះស្រាយតាមច្បាប់ ៕ យឹម សុថាន
