ឃាត់ខ្លួនជនសង្ស័យ២នាក់ ករណីករណីលួចម៉ូតូតែមិនបានសម្រេច

ភ្នំពេញ៖ ជនសង្ស័យ២នាក់ត្រូវសមត្ថកិច្ចឃាត់ខ្លួនក្រោយពីរូបគេនាំគ្នាធ្វើសកម្មភាពលួចយកម៉ូតូរបស់គេ តែមិនបានសម្រេច ។​ ករណីនេះបានកើតឡើងកាលពីវេលាម៉ោង ១២ និង៤០នាទី ថ្ងៃទី១៧ ខែកញ្ញា ឆ្នាំ២០១៩ នៅចំណុចលើចិញ្ចើមផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ រាជធានីភ្នំពេញ ។​

សមត្ថកិច្ចបានឲ្យដឹងថា ជនសង្ស័យទាំង០២ ទី ១-ឈ្មោះ ថន ប៊ុនរ៉ាក់ ភេទប្រុសអាយុ៣៩ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ (មានសារធាតុញៀន) ។​ ២-ឈ្មោះ សេង សូវៀត ភេទប្រុស អាយុ៣១ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ (មានសារធាតុញៀន) ។​ ចំណែកជនរងគ្រោះឈ្មោះ ជៀវ សុខហេង ភេទប្រុស អាយុ៣២ឆ្នាំ ជនជាតិខ្មែរ មុខរបរកម្មករោងចក្រ ស្នាក់នៅផ្ទះលេខ២៦ ផ្លូវលំ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។​

សម្ភារៈបន្សល់ទុក ម៉ូតូ០១គ្រឿង ម៉ាកនិច ពណ៌ស ផលិតឆ្នាំ២០១៦ ពាក់ស្លាកលេខភ្នំពេញ 1HU-1332 កន្ត្រៃចុងស្រួច ០១ ។​

ប្រភពពីសមត្ថកិច្ចបានឲ្យដឹងថា នៅមុន ពេលកើតហេតុ ជនរងគ្រោះទុកម៉ូតូរបស់ខ្លួន នៅចំណុចកើតហេតុខាងលើ រួចដើរចូលទៅក្នុងបន្ទប់ជួលរបស់ខ្លួន ស្រាប់តែមានជនសង្ស័យ០២នាក់ ដើរមកដល់ចំណុចកើតហេតុ បានឃើញម៉ូតូរបស់ជនរងគ្រោះ ទុកនៅលើចិញ្ចើមផ្លូវ ដោយមានសភាពស្ងាត់ ជនសង្ស័យឈ្មោះ ថន ប៊ុនរ៉ាក់ បានយកកន្ត្រៃយ៍ចុងស្រួចកាត់ខ្សែភ្លើងកុងតាក់ម៉ូតូ រួចបណ្តើរចេញ តែត្រូវជនសង្ស័យចេញពីបន្ទប់ជួល ឃើញជនសង្ស័យខាងលើ កំពុងបណ្តើរម៉ូតូរបស់ ស្រែកថាចោរៗ ហើយត្រូវបានអ្នកនៅជិតកន្លែងកើតហេតុ នាំគ្នាចាប់បានជនសង្ស័យ ទាំង០២នាក់ បន្ទាប់មកកម្លាំងល្បាតប៉ុស្តិ៍រដ្ឋបាលអូរបែកក្អម បានល្បាតដល់ចំណុចកើតហេតុខាងលើ ឃើញហេតុការណ៍ឃាត់នាំខ្លួនជនសង្ស័យ យកមកសាកសួរនៅប៉ុស្តិ៍រដ្ឋបាលអូរបែកក្អមតែម្តង ។​

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមច្បាប់ ៕ចន្ទ លីហ្សា