សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យោងតាមសេចក្តីរាយការណ៍បានឲ្យដឹងថា កម្លាំងកងរាជអាវុធហត្ថផ្ទៃប្រទេស សហការជាមួយមន្ត្រីបរិស្ថានខេត្តបាត់ដំបងចាប់ឃាត់ខ្លួនមេភូមិម្នាក់ ករណីឈូសឆាយ កាន់កាប់ និងបានគៀងគរពលរដ្ឋទៅទន្រ្ទានដីព្រៃតំបន់អភិរក្សព្រៃឈើ ជាច្រើនហិកតា។
សមត្ថកិច្ចតាមឃាត់ខ្លួនមេភូមិនេះ កាលពីវេលាម៉ោង១០ និង៣០នាទី ថ្ងៃទី១៦ ខែកញ្ញា ឆ្នាំ២០១៩ នៅស្រុកសំពៅលូន ខេត្តបាត់ដំបង ខណ:មេភូមិរូបនេះ គេចទៅលាក់ខ្លួននៅឯផ្ទះបងប្អូន ។
ប្រភពពីមន្ត្រីបរិស្ថានបានឲ្យដឹងថា ជនសង្ស័យដែលឃាត់ខ្លួននេះមានឈ្មោះ ឡុង វុទ្ធី ហៅឡាច ជាមេភូមិភ្នំដំបង សង្កាត់អូរតាវ៉ៅ ក្រុងប៉ៃលិន ជាក់ស្តែងនា ពេលថ្មីៗកន្លងមកនេះ គាត់បានជួលអេស្កាវ៉ាទ័រមកឈូសឆាយធ្វើផ្លូវក្នុងតំបន់ហាមឃាត់ ដោយសារនេះ កម្លាំងឧទ្យានុរក្សបានឃាត់ និងរិបអូសយកទៅរក្សាទុកនៅមន្ទីរបរិស្ថានខេត្តបាត់ដំបង។
ក្រោយមកទៀត បុគ្គលរូបនេះនៅតែបញ្ឈប់សកម្មភាព ក៏បានគៀរគរប្រជាពលរដ្ឋដើម្បីចូលទៅកាន់ដីនៅតំបន់ការពារថែមទៀត។
ប្រភពបានបន្តថា លោកមេភូមិរូបនេះ ហ៊ានឈូសឆាយដីតំបន់ការពារយកទៅធ្វើជាដីឡូត៍ពុះលក់យ៉ាងអនាធិបតេយ្យ ដែលធ្វើឲ្យប៉ះពាល់ និងបាត់បង់ ដីព្រៃនៅតំបន់កាពារអភិរក្ស ស្ទើរគ្មានសល់។
ប្រភពឲ្យដឹងថា ការឃាត់ខ្លួនលោក ឡុង វុទ្ធី គេយកទៅឃុំនៅមន្ទីរបរិស្ថានខេត្តបាត់ដំបង ទើបមានការ រៀបចំឲ្យពលរដ្ឋលើកគ្នាមកតវ៉ា ហើយពលរដ្ឋទាំងនោះសុទ្ធតែជាប់ ជាប់ពាក់ព័ន្ធនឹងការលួចលក់ដីតំបន់ព្រៃអភិរក្ស នៅក្នុងស្រុកសំឡូតនេះដែរ។
ពេលនេះ តុលាការខេត្តបាត់ដំបង កំពុងសាកសួរជនសង្ស័យឈ្មោះឡុង វុទ្ធី ហៅ ឡាច មេភូមិភ្នំដំបង ខេត្តប៉ៃលិននៅឡើយ តែគេមិនទាន់ដឹងថា តើនឹងត្រូវឃុំខ្លួនឬយ៉ាងណានោះទេ ៕ ស សារ៉េត
