សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ត្រូវបានបុរសជាជនជាតិស្បែកខ្មៅ ទះកំភ្លៀងមួយដៃ ខណៈដើរទៅបន្ទោបង់ បង្កការឈ្លោះប្រកែកគ្នាយ៉ាងតឹងសសៃក បណ្តាលឲ្យមានការភ្ញាក់ផ្អើលដល់អ្នកក្បែរខាង និងភ្ញៀវនៅក្នុងផ្សារសូរិយាមល ទាំងយប់ និងត្រូវបានសន្តិសុខមកជួយអន្តរាគមន៍ផងដែរ ។
ហេតុការណ៍នេះ បានកើតឡើងកាលពីវេលាម៉ោង២និង១៥រំលង អធ្រាត្រឈានចូលថ្ងៃទី១៩ ខែកញ្ញា ឆ្នាំ២០១៩ តាមបណ្តោយផ្លូវលេខ៥១ នៅចំណុចផ្សារសូរិយាម៉ល ដែលស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។
ជនរងគ្រោះមានឈ្មោះ ហុង លី ភេទប្រុស អាយុ២១ឆ្នាំ ស្នាក់នៅម្តុំស្ទឹងមានជ័យបានអោយដឹងថា មុនពេលកើតហេតុ គឺជនរងគ្រោះបានអង្គុយផឹកសុីនៅហាងនៅក្បែរនឹងផ្សារ មុនពេលដែលកើតហេតុជនរងគ្រោះបានដើរទៅបត់ជើងតូចនៅចំណតឡានស្រាប់តែត្រូវបានជនជាតិស្បែកខ្មៅម្នាក់ទំនងជាស្រវឹងស្រាហើយរករឿងគេឯង និងមកទះកំភ្លៀងជនរងគ្រោះ បណ្តាលធ្វើឲ្យមានការឈ្លោះប្រកែកគ្នាឡើងតឹងសសៃកបង្កការភ្ញាក់ផ្អើល ពេញក្នុងផ្សារសូរិយាម៉លតែម្តង ភ្លាមៗនោះ សន្តិសុខផ្សារ និងមិត្តភក្តិជនរងគ្រោះបានចូលទៅឃាត់ ស្រាប់តែត្រូវជនជាតិស្បែកខ្មៅវាយបណ្តាលអោយបែកចិញ្ចើមម្ខាងផ្នែកខាងស្តាំរួចដើរឡើងទៅអង្គុយផឹកបាត់ធ្វើព្រងើយ ជនរងគ្រោះខឹងខ្លាំងក៏ស្រែកឡូឡាពេញក្នុងផ្សារសូរិយាម៉ល បង្កការភ្ញាក់ផ្អើលដល់សមត្ថកិច្ចប៉ុស្តិ៍ផ្សារថ្មី៣ចេញមកជួយអន្តរាគមន៍ឃាត់ខ្លួនយកទៅប៉ុស្តិ៍ដើម្បីធ្វើការសួរនាំ ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍ផ្សារថ្មី៣ដើម្បីឲ្យសមត្ថកិច្ចចាត់ការទៅតាមច្បាប់ ៕ ធឿនព្រែកជ័យ
