សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងបេីករថយន្តម៉ាកNAVARA ក្នុងល្បឿនលឿនជ្រុលទៅបុកក្បាលនាគពុះចែកទ្រូងផ្លូវពេញទំហឹងបណ្តាលឲ្យវៀចចេញពីជូរមួយកង់ចំណែករថយន្តដាច់ការឡេទៅមុខលែងរួច។
ហេតុការណ៍នេះបានកេីតឡេីងកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី២០ ខែកញ្ញា ឆ្នាំ២០១៩ នៅចំណុចមុខសូហ្វីតែល ភ្នំពេញ តាមបណ្តោយផ្លូវសុធារស់ ស្ថិតក្នុងសង្កាត់ទន្លេបាសាក់ ខណ្ឌចំការមន។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកNAVARA ពណ៌ស ពាក់ស្លាកលេខកោះកុង 2B 6000 បេីកបរដោយបុរសម្នាក់ធ្វេីដំណេីរតាមបណ្តោយផ្លូវសុធារស់ក្នុងទិសដៅពីជេីងទៅត្បូងក្នុងល្បឿនលឿនសង្ស័យស្រវឹង ខណៈមកដល់ចំណុចកេីតហេតុក៏រេចង្កូតទៅបុកក្បាលនាគពុះចែកទ្រូងផ្លូវពេញទំហឹងបណ្តាលឲ្យក្បាលនាគវៀចចេញមួយកង់ចំណែករថយន្តដាច់កាឡេទៅមុខលែងរួចសំណាងមិនមានអ្នករងរបួស។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុ និងទំនាក់ទំនងទៅជំនាញមកស្ទូចរថយន្តបង្កទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញនៃស្នងការនគរបាលជាតិដេីម្បីរង់ចាំដោះស្រាយតាមច្បាប់៕ សុខាសែនជ័យ
