សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧកញ៉ាវ័យក្មេងម្នាក់ បើករថយន្តស៊េរីទំនើបស័្ពរមួយគ្រឿងដែលមានតម្លៃរាប់លានដុល្លារ ជួបគ្រោះថ្នាក់ចរាចរណ៍ជាមួយរថយន្តមួយគ្រឿងទៀតប្រភេទដឹកទំនិញ ប៉ុន្តែមិនបង្កឲ្យមនុស្សណាម្នាក់រងរបួស ឬស្លាប់នោះទេ ។
ករណីគ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ១និង៥០នាទីរសៀល ថ្ងៃទី២១ ខែកញ្ញា ឆ្នាំ២០១៩ ត្រង់ចំណុចគល់ស្ពានជ្រោយចង្វា សង្កាត់វត្តភ្នំ ខណ្ឌដូនពេញ រាជធានីភ្នំពេញ ។
តាមប្រភពព័ត៍មានពីកន្លែងកើតហេតុ បានឲ្យដឹងថា មានករណីគ្រោះថ្នាក់ចរាចរណ៍មួយកើតឡើងរវាងរថយន្តស្ព័រស៊េរីទំនើបមួយគ្រឿងរបស់ឧកញ៉ាម្នាក់ ណោះ ពាក់ស្លាក់លេខ ភ្នំពេញ 2AW-0720 ដែលមានតម្លៃរាប់លានដុល្លារឯណ្ណោះ បានបុកគ្នាជាមួយរថយន្តដឹកទំនិញមួយគ្រឿង បណ្ដាលឲ្យរងការខូចខាតទាំងសងខាង ។
ក្រោយកើតហេតុភាគីទាំងសងខាងកំពុងធ្វើការសម្របសម្រួលគ្នាផងដែរ ប៉ុន្តែមិនដឹងថា ភាគីខាងលោកឧកញ៉ាទាមទារសំណងប៉ុន្មាននោះទេ ព្រោះរថយន្តនោះគ្មានគ្រឿងបន្លាស់លក់នៅស្រុកខ្មែរនោះឡើយ ៕ស រស្មី
