សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ ពលករខ្មែរម្នាក់ធ្វើការប្រមូលសំរាមនៅក្នុងក្រុង Pattaya ត្រូវរថយន្តបុកដាច់ជើងទាំងសងខាងកាលពីវេលាម៉ោង០២រំលងអធ្រាត្រ ឈានចូលថ្ងៃទី២ ខែតុលា ឆ្នាំ២០១៩ នៅត្រង់ចំណុចស្របផ្លូវរថភ្លើងជិតភូមិខៅតាឡូ សង្កាត់ណង់ព្រឺ ស្រុកបាងឡាលុង ខេត្តឈុនបុរី
ប្រទេសថៃ ។
សមត្ថកិច្ចមូលដ្ឋានថា ជនរងគ្រោះ មានឈ្មោះ ឈួន ប៊ុនរឿន ភេទប្រុស ២៨ ឆ្នាំ សញ្ជាតិខ្មែរ ស្រុកកំណើតរស់នៅស្រុកមង្គលបូរី ខេត្ត បន្ទាយមានជ័យ បានរងរបួសដាច់ជើងទាំងសងខាង ។
ចំណែកឯរថយន្តបង្កម៉ាក Nissan Sylphy ពាក់ស្លាកលេខ 4 กฌ 4462 បាងកក បើកបរដោយបុរសជនជាតិថៃម្នាក់បានបើកទៅបុកគូទរថយន្ដប្រមូលសំរាម ពាក់ស្លាកលេខ 73-3948 របស់ក្រុមហ៊ុនEastern Green World គ្រាដែលជនរងគ្រោះកំពុងធ្វើសកម្មភាពប្រមូលសំរាមតាមទីសាធរណៈបណ្ដាលឲ្យខាងក្រោយរថយន្ដរងរបួសធ្ងន់។
ក្រោយពេលកើតហេតុជនរងគ្រោះត្រូវសមត្ថកិច្ចសង្គ្រោះដឹកបញ្ជូនយកទៅព្យាបាលបន្ទាន់នៅមន្ទីរពេទ្យក្នុងស្រុកបាងឡាលុង ។
ប្រភពថា ជនរងគ្រោះរហូតមកទល់នឹងវេលាម៉ោងនេះ បានស្លាប់ហើយ ៕ នីមវណ្ណា
