សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ ស្ត្រីម្នាក់អាយុ២៧ឆ្នាំ មានកូន៤នាក់ក្នុងបន្ទុក និងមានប្តីជានគរបាលវរការពារព្រំដែន៧០១ ត្រូវឃាតកសម្លាប់យ៉ាងព្រៃផ្សៃរួចរត់គេចខ្លួនបាត់ស្រមោល ។
ករណីរំលោភ និងធ្វើឃាតនេះបានភ្ញាក់ផ្អើលឡើងកាលពីព្រឹក ថ្ងៃទី៣ ខែតុលា ឆ្នាំ២០១៩ ស្ថិតនៅភូមិកោះខឌិន សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ។
ប្រភពព័ត៌មានពីកម្លាំងសមត្ថកិច្ចដែលចុះពិនិត្យកន្លែងកើតហេតុបានបញ្ជាក់ថា ជនរងគ្រោះឈ្មោះ
ផៃ ណា អាយុ២៧ឆ្នាំ រស់នៅភូមិកោះខឌិន សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ។ ស្ត្រីងរងគ្រោះមានកូន៤នាក់ និងមានប្តីឈ្មោះ តី ឯកសូគី ជាមន្ត្រីនគបាលបម្រើការ នៅអង្គភាពវរៈការពារព្រំដែន៧០១ ។
មន្ត្រីកោសល្យវិច័យបានបញ្ជាក់ថា ស្ត្រីរងគ្រោះមានស្នាមជាំទ្រុឌចំនួនពីរកន្លែងនៅចំណុចភ្នែកខាងឆ្វេង និងមួយកន្លែងទៀតក្រោមចង្កាខាង
ឆ្វេង និងមានស្នាមហើមពកលើកញ្ចឹងក ។
នៅលើខ្លួនសពស្ត្រីរងគ្រោះនគរបាលជំនាញបានរកឃើញទូរស័ព្ទដៃមួយគ្រឿង និងលុយចំនួន៣មឺុនរៀលក្នុងហោប៉ៅ
ដោយឡែក ក្បែរសពជនរងគ្រោះជំនាញបានប្រមូលវត្ថុតាងមានដំបង១ បែកជា២ ជាច្រវ៉ាទូក ។
ជំនាញបានដាក់ការសង្ស័យថា ជនរងគ្រោះត្រូវជនដៃដល់ប្រើប្រាស់ច្រវ៉ាទូកវាយសម្លាប់ក្នុងអំពើឃាតកម្ម ។
បច្ចុប្បន្នកម្លាំងសមត្ថកិច្ចកំពុងស្រាវជ្រាវវែកមុខជនដៃ
ដល់នាំមកផ្តន្ទាទោសតាមច្បាប់ ។ ចំណែកសពសពជនរងគ្រោះត្រូវប្រគល់ជូនក្រុមគ្រួសារធ្វើបុណ្យតាមប្រពៃណី ៕ មាស សុផាត
