សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីមេម៉ាយម្នាក់តូចចិត្តនិងខ្លួនមានជំងឺប្រចាំកាយរាំរ៉ៃ សម្រេចចិត្ត មកលោតទឹកពីលើស្ពានជ្រោយចង្វាសម្លាប់ខ្លួនចោលកូនស្រីម្នាក់ ឲ្យនៅកំព្រា ។
ហេតុការណ៍នេះ បង្កឲ្យមានការភ្ញាក់ផ្អើលឡើងពីម៉ោង១២និង៣០នាទីរសៀល ថ្ងៃទី៤ ខែតុលា ឆ្នាំ២០១៩ នៅលើលើស្ពានជ្រោយចង្វាចាស់ ស្ថិតក្នុងសង្កាត់ស្រះចក ខណ្ឌដូនពេញ ។
ស្ត្រីរងគ្រោះមានឈ្មោះ ហេន នាត អាយុ៤៣ឆ្នាំ ស្នាក់នៅផ្ទះជួល ភូមិត្រពាំងថ្លឹង សង្កាត់ ចោមចៅទី២ ខណ្ឌពោធិសែនជ័យ មានស្រុកកំណើតនៅភូមិព្រែកប្រណាកឃុំរាយប៉ាយស្រុកកងមាស ខេត្តកំពង់ចាម ។
ប្រភពព័ត៌មាននៅកន្លែងកើតហេតុបានឲ្យដឹងថា គេឃើញស្ត្រីដែលប៉ងសម្លាប់ខ្លួនដើរកាន់កាបូបមួយនៅលើស្ពានជ្រោយចង្វាមិនដឹងថា មានរឿងអ្វីនោះទេ ររួចបានទុកកាបូបចោល ហើយឡើងលើបង្កាន់ដៃស្ពានលោតចុះទៅក្នុងទឹកលិចបាត់ស្រមោល ភ្លាមៗនោះដែរ មានប្រជាពលរដ្ឋធ្វើដំណើរស្ទុះទៅជួយដែរតែជួយមិនទាន់ ។
បើតាមសម្ដីកូនស្រីរបស់ជនរងគ្រោះមានឈ្មោះ ខេង ស្រីឡា អាយុ២៣ឆ្នាំ បានប្រាប់ឲ្យដឹងថា កាលពីថ្ងៃទី៣ ខែតុលា ឆ្នាំ២០១៩ ម្ដាយ របស់នាង បានចេញពីផ្ទះ ដោយមិនបានចាប់អារម្មណ៍នោះទេ លុះដល់ថ្ងៃទី៤ ខែតុលា នៅតែមិនឃើញម្ដាយមកផ្ទះខ្លួន ក៏បានតេទូរសព្ទ័សួរ ស្រាប់តែម្ដាយប្រាប់ថា គាត់មកលោតទឹកសម្លាប់ខ្លួននៅស្ពានជ្រោយចង្វាតែនាងមិនជឿ ។
កូនស្រីបន្តថា លុះដល់ម៉ោង០១រសៀល ក៏មានប្រជាពលរដ្ឋតេប្រាប់នាងថា ម្ដាយរបស់នាងបានលោតទឹកសម្លាប់ខ្លួនពីលើស្ពានជ្រោយចង្វាបាត់ហើយ នាងនៅតែមិនជឿ ។
នាងបន្តទៀតថា រហូតដល់ម៉ោង២រសៀល សមត្ថកិច្ចបានតេទៅប្រាប់ថា គាត់ជាសមត្ថកិច្ច សូមឲ្យនាងមកយកសម្ភារៈ ម្ដាយនៅប៉ុស្តិនគរបាលស្រះចក ៖ មានកាបូប,ទូរសព្ទ័,និងសំបុត្រពេទ្យទើបដឹងថាម្ដាយស្លាប់មែន ចំណែកសពស្ត្រីរងគ្រោះលិចបាត់ក្នុងទឹកទន្លេរកមិនទាន់រកឃើញនៅឡើយទេ ៕ ជ្រោយពេជ្រ
