សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព្រឹកថ្ងៃទី៥ ខែតុលា ឆ្នាំ២០១៩ វេលាម៉ោង០៩និង៣០នាទី លើផ្លូវវិថីឯករាជ្យ ត្រង់ចំណុច ផ្កាឈូក (វេទិកា៧មករា) ស្ថិតនៅភូមិ៣ សង្កាត់លេខ៣ ក្រុង/ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង បង្កដោយ រថយន្តក្រឡុកបេតុង១គ្រឿងម៉ាក HOWO ពណ៌ស ផ្លាកលេខព្រះសីហនុ5A-3001ជាកម្មសិទ្ធិក្រុមហ៊ុនហ្វុងរ៉ូ អ្នកបើកបរឈ្មោះស្ងួន ពិសាល ភេទប្រុស អាយុ ៣០ឆ្នាំ មានទីលំនៅភូមិក្រសាជេត ឃុំរំចេក ស្រុកព្រះស្តេច ខេត្តព្រៃវែង មានទិសដៅពី កើត ទៅលិចលុះដល់ចំណុចខាងលើ បត់ស្តាំកៀរម៉ូតូ ១គ្រឿងម៉ាក HONDA C125 ពណ៌ ខ្មៅគ្មានផ្លាកលេខ អ្នកបើកបរឈ្មោះ មុំ ឆាន ភេទ ប្រុស អាយុ ៥២ឆ្នាំ មុខរបរ រត់ម៉ូតូ ដឹកអ្នកដំណើរចំនួន ១នាក់ឈ្មោះ មុំ ឆេ ភេទ ស្រី អាយុ ៤៧ឆ្នាំ អ្នកទាំងពីរមានទីលំនៅស្រុកទំលាប់ ខេត្តតាកែវ មានទិសដៅស្របគ្នា ។
គ្រោះថ្នាក់នេះបណ្តាលឲ្យស្លាប់មនុស្ស១នាក់ រងរបួស១នាក់ស្រី ៖ ១-ឈ្មោះ មុំ ឆាន អ្នកបើកបរម៉ូតូ ស្លាប់នៅនឹងកន្លែងកើតហេតុ បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនៅវត្តក្រោម ។២-ឈ្មោះ មុំ ឆេ អ្នករួមដំណើរលើម៉ូតូ រងរបួស ស្រាល ។
អ្នកបើករថយន្តបាននាំខ្លួនមកសាកសួរនៅការិយាល័យនគរបាលចរាចរណ៍ផ្លូវគោក ដើម្បីចាត់ចែងតាមនីតិវិធី ។ រីឯវត្ថុតាង រថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោក ៕ ឆ្លាម សមុទ្រ
