សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ទោហួ យ៉ៃអធិការនគរបាលស្រុកព្រៃនប់បានឲ្យដឹងថា នៅវេលាម៉ោង១៨និង៣០នាទី ថ្ងៃទី៨ ខែតុលា ឆ្នាំ២០១៩ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀន នៅចំណុច ព្រលានយន្ដហោះកងកេង ស្ថិតក្នុងភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ ឃាត់ខ្លួនជនសង្ស័យម្នាក់ឈ្មោះ សោម គង្គា (ហៅតាប់) ភេទប្រុស អាយុ២៩ឆ្នាំ មានទីលំនៅ ភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ មុខរបរនេសាទ ។
បើតាមលោកអធិការបញ្ជាក់ថា ជនសង្ស័យរូបនេះ ជាមុខសញ្ញាសកម្មពាក់ពន្ធ័នឹងការជួញដូរគ្រឿងញៀននៅមូលដ្ឋាននោះផងដែរ ។
ក្រោយឃាត់ខ្លួននគរបាលដកហូត វត្ថុតាងរួមមាន៖ ម្សៅក្រាមសារធាតុញៀនចំនួន០៨កញ្ចប់(ធំ៣កញ្ចប់ តូច៥កញ្ចប់) និងទូរស័ព្ទដៃចំនួន ០១គ្រឿង ។
បច្ចុប្បន្នសមត្តកិច្ចកំពុងកសាងសំរឿងបញ្ជូនទៅសាលាដំបូងដើម្បីចាត់ការទៅតាមនិតិវិធីច្បាប់ ៕ ឆ្លាម សមុទ្រ
