សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៥នាក់ ជាមុខសញ្ញាគាស់ផ្ទះប្រជាពលរដ្ឋយ៉ាងសកម្មត្រូវបាននគរបាលឃាត់ខ្លួនកាលពីវេលាម៉ោង២១និង៣០នាទី ថ្ងៃទី៨ ខែតុលា ឆ្នាំ២០១៩ ចំណុចផ្ទះទុកចោល ភូមិត្រពាំងអញ្ញាញ៥ សង្កាត់ត្រពាំងក្រសាំង ខណ្ឌពោធិ៍សែនជ័យ។
ជនសង្ស័យទី១មានឈ្មោះ នី ពេជ្រ ភេទប្រុស២៦ឆ្នាំ មុខរបរមិនពិត ។ ទី២មានឈ្មោះ គឹម អ៊ីហុង ភេទប្រុស អាយុ២៧ឆ្នាំ មុខរបរមិនពិត។ ទី៣មានឈ្មោះ ចិន សំណាង ភេទប្រុស អាយុ១៩ មុខរបរមិនពិត ។ ទី៤មានឈ្មោះ កែវ ពិសី ភេទប្រុសអាយុ៣៥ឆ្នាំ មុខរបរមិនពិត។ ទី៥មានឈ្មោះ ជា សុផាន់ណា ភេទប្រុសអាយុ២១ឆ្នាំ មុខរបរមិនពិត ។ វត្ថុតាងដកហូតមាន៖ដាវកែឆ្នៃ២ដើម កាំបិត១ ពូថៅ១ និងឧបករណ៍ប្រើប្រាស់សារធាតុញៀនមួយចំនួន។
សមត្ថកិច្ចបានឲ្យដឹងថាមុនពេលកើតហេតុកម្លាំងប៉ុស្តិ៍នគរបាលកំពុងដើរដើរល្បាតក្នុងភូមិសាស្រ្ត ដែលស្មុកស្មាញក៏មានការរាយកាណ៍ពីប្រជាពលរដ្ឋថា មានករណ៍ប្រើប្រាស់នូវរធាតុញៀនខុសច្បាប់ពេលនោះកម្លាំង ក៏ទៅដល់កន្លែងកើតហេតុក៏ឃើញមានជនសង្ស័យចំនួន០៥នាក់ កំពង់សម្ងំប្រើប្រាស់នូវសារធាតុញៀនខុសច្បាប់រួចងយើងក៏ឃាត់ខ្លួនយកមកប៉ុស្តិ៍សួរនាំ ។
បច្ចុប្បន្នជនសង្ស័យ បានបញ្ចូនទៅកាន់ផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យដើម្បីសួរនាំ និងឃុំខ្លួនជាបណ្តោះអាសន្ន រងចាំបញ្ជូនទៅតុលារការចាត់ការតាមនីតិវិធីច្បាប់ ៕ សុខាសែនជ័យ
