នារីម្នាក់ ជាកម្មការិនីរោងចក្របាត់ខ្លួនជាច្រើនថ្ងៃ ត្រូវក្រុមគ្រួសារប្តឹងទៅសមត្ថកិច្ចឲ្យជួយស្វែងរក

ភ្នំពេញ៖ កាលពីរសៀលថ្ងៃទី៩ ខែតុលា ឆ្នាំ២០១៩ ស្រ្តី២នាក់ បានទៅប្តឹងអាជ្ញាធរសង្កាត់ចោមចៅ៣ ខណ្ឌពោធិសែនជ័យ ដើម្បីជួយធ្វើអន្តរាគមន៍ស្វែងរកប្អូនស្រីរបស់ខ្លួន ក្រោយបាត់ខ្លួនគ្មានដំណឹងជាច្រើនថ្ងៃមកហើយ ។

យោងតាមការរៀបរាប់ពីស្រ្តីដែលមកប្តឹងអាជ្ញាធរខាងលើនេះ បានឲ្យដឹងថា ប្អូនស្រីរបស់ពួកគាត់មានឈ្មោះ សុខ ហេង អាយុ ២៥ឆ្នាំ ធ្វើការរោងចក្រ ស្នាក់នៅភូមិព្រៃទា សង្កាត់ចោមចៅ៣ ខណ្ឌពោធិសែនជ័យ និងមានស្រុកកំណើត ស្រុកឆ្លូង ខេត្តក្រចេះ ។

ប្រភពដដែលបន្តថា បច្ចុប្បន្នក្រុមគ្រួសារបងប្អូនកំពុងព្រួយបារម្ភយ៉ាងខ្លាំងណាស់ ខណៈដែលប្អូនស្រីបានបាត់ខ្លួនតាំងពីថ្ងៃទី៦ ខែតុលា ឆ្នាំ២០១៩ រហូតមកដល់ពេលនេះ បងប្អូនមិនអាចទាក់ទងបានទេ ហើយបើមានបងប្អូនណាបានឃើញ ឬស្គាល់ភិនភាគដូចរូបភាពខាងលើ សូមទាក់ទងមកបងប្អូនគាត់ផង តាមទូរស័ព្ទលេខ៖ ០១០ ៦២ ៥៧ ៦៦/០៨៨ ៦៩៨ ៥២ ៥៤ ៕ សុខា សែនជ័យ