សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ជនសង្ស័យក្មេងទំនើងម្នាក់ ត្រូវបានកម្លាំងប៉ុស្តិ៍រដ្ឋបាល សង្កាត់យក្ខឡោម ឃាត់ខ្លួនបានដោយសារពាក់ ព័ន្ធករណី ប្រើអំពើហិង្សា ដោយចេតនា ប្រើដំបងដែកគាស់ ។
ការឃាត់ខ្លួនជនសង្ស័យនេះធ្វើឡើងនៅវេលាម៉ោង ២៤.០០នាទី ថ្ងៃទី ១៧ ខែ តុលា ឆ្នាំ២០១៩ ត្រង់ចំណុចមុខស្ថានីយ ប្រេងមួយកន្លែង លើផ្លូវជាតិលេខ៧៨ ស្ថិតក្នុងភូមិ អភិវឌ្ឍន៍ សង្កាត់ឡាបានសៀក ក្រុងបានលុង ខេត្ត រតនគិរី ។
ប្រភពពីសមត្ថកិច្ចបានឲ្យដឹងថា ជនសង្ស័យនោះឈ្មោះ សាលី លិច (ហៅអា លិច) ភេទ ប្រុស អាយុ ១៦ឆ្នាំ ជនជាតិ ទំពួន មានទីលំនៅភូមិ ឡាប៉ូ សង្កាត់ យក្ខឡោម ក្រុងបានលុង ខេត្ត រតនគិរី មុខរបរ មិនពិតប្រាកដ ។
ជនសងសង្ស័យបានប្រើអំពើ ហិង្សាទៅលើប្រជាការពារភូមិភ្នំ សង្កាត់យក្ខឡោម ក្រុងបានលុង ខេត្តរតនគិរី ។
ប្រភពបន្តថា ហិង្សាកើតឡើងនោះ ខណៈដែលជនរងគ្រោជិះ ម៉ូតូត្រឡប់ពីកន្លែងប្រចាំការពារពិធីបុណ្យសព ហើយក៏ត្រូវជនសង្ស័យ ស្ទាក់វាយតែម្តង ។
ប្រភពបន្តថា គឺផ្តើមចេញពីជីដូនជនសង្ស័យបានពឹងប្រជាការពារភូមិឲ្យជួយតាមមើលចៅរបស់គាត់ ដែលដើរបាត់ៗពីផ្ទះពេលយប់ជាច្រើនថ្ងៃ ហើយពេលនោះ ជនរងគ្រោះជាប្រជាការពារ បានជួបហើយក៏កើតរឿង អំពើហិង្សានោះតែម្តង ។
ក្រោយឃាត់ខ្លួន បានជនសង្ស័យភ្លាម សមត្ថកិច្ចនគរបាលក្រុងបានលុងស្រាវជ្រាវ និងបន្តបំពេញសំណុំរឿង បញ្ជូនទៅសាលាដំបូងខេត្តចាត់ការតាមនីតិវិធី៕ ជីវ័ន្ត
