សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ត្រូវបាននគរបាលឃាត់ខ្លួនក្រោយពីលួចម៉ូតូបានហើយ ជិះបំណងយកទៅលក់ត្រួវបានប្រជាពលរដ្ឋរាយការណ៍ជូននគរបាលឃាត់ខ្លួនកាលពីវេលាម៉ោង១១ និង៣០នាទីព្រឹក ថ្ងៃទី២១ ខែតុលា ឆ្នាំ ២០១៩ នៅចំណុចផ្លូវរថភ្លើងស្ថិតក្នុងភូមិត្រពាំងទារ សង្កាត់ត្រពាំងក្រសាំង រួចបន្តទៅយកបក្ខពួកម្នាក់ទៀតនៅបន្ទប់ជួល ភូមិត្រពាំងទារ សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ ។
សមត្ថកិច្ចបញ្ជាក់ជនសង្ស័យទី១ ឈ្មោះង៉ែត តុលា ភេទប្រុស អាយុ ៣១ឆ្នាំ មុខរបរមិនពិតប្រាកដ ស្នាក់នៅផ្ទះជួលបន្ទប់លេខ៤ ភូមិត្រពាំងទារ សង្កាត់ត្រពាំងក្រសាំង ខណ្តោធិសែនជ័យ ។ ទី២ឈ្មោះ ផល សុភ័ក្ត្រ ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិត្រពាំងទារ សង្កាត់ត្រពាំងក្រសាំង ខណ្ឌពោធិសែនជ័យ ។
សមត្ថកិច្ចដកហូតម៉ូតូបីគ្រឿង មួយគ្រឿងម៉ាកឌុក គ្មានស្លាកលេខ និងមួយគ្រឿងទៀតម៉ាក វីវ៉ា ពណ៍ខ្មៅ ពាក់ស្លាកលេខ ភ្នំពេញ Y 3478 ។
សមត្ថកិច្ចបានឲ្យដឹងថា មុនពេលកើតហេតុមានប្រជាពលរដ្ឋបានរាយការណ៍មកមានករណ៍លួចម៉ូតូរួចមានបំណងយកទៅលក់ពេលនោះ កម្លាំងប៉ុស្តិ៍នគរបាលត្រពាំងក្រសាំង សហការជាមួយកម្លាំងព្រហ្មទណ្ឌខណ្ឌបានចុះទៅដល់ផ្លូវរថភ្លើងស្ថិតក្នុងភូមិត្រពាំងទារ សង្កាត់ត្រពាំងក្រសាំង ក៏ឃើញ ឈ្មោះ តុលាកំពង់ជិះម៉ូតូម៉ាកវីវាដែលទើបនឹងលួចបានកម្លាំងឃាត់ខ្លួនរួចក៏បន្តទៅឃាត់ខ្លួនជនសង្ស័យម្នាក់ទៀតឈ្មោះផល សុភ័ស្ត្រ នៅបន្ទប់ជួល ភូមិត្រពាំងទារ សង្កាត់ត្រពាំងក្រសាំង ខណ្ឌពោធិសែនជ័យតែម្តង ។
ក្រោយឃាត់ខ្លួនជនសង្ស័យត្រូវបានបញ្ជូនទៅផ្នែកព្រហ្មទណ្ឌ នៃអធិការនគរបាលខណ្ឌពោធិ៍សែនជ័យដើម្បីចាត់ការតាមច្បាប់ ៕ សុខាសែនជ័យ
