សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ត្រូវបានកម្លាំងនគរបាលប៉ុស្ដិ៍រដ្ឋបាល ចាក់អង្រែលើ នៃអធិការដ្ឋាននគរបាលខណ្ឌមានជ័យ បានឃាត់ខ្លួនកាលពីវេលាម៉ោង ១៥ និង ១០នាទី ថ្ងៃទី២១ ខែតុលា ឆ្នាំ២០១៩ ពាក់ព័ន្ធករណីលួចម៉ូតូ ត្រង់ចំណុចមុខផ្ទះលេខ ១២៧៩ ផ្លូវជាតិលេខ ២ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនមានឈ្មោះ កឺ ច័ន្ទរ៉ាវុធ ភេទប្រុស អាយុ ២៣ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ/សង្កាត់ខាងលើ មុខរបរមិនពិតប្រាកដ (មានផ្ទុកសារធាតុញៀន) ។ ចំណែកជនរងគ្រោះឈ្មោះ ចាន់ មករា ភេទប្រុស អាយុ ៣៦ ឆ្នាំ ជនជាតិខ្មែរ ទីលំនៅផ្ទះលេខ៥៨ ផ្លូវជាតិលេខ ២ ភូមិ/សង្កាត់ខាងលើ មុខរបរលក់ដូរ ។
ចំណែកសម្ភារបាត់បង់៖ ម៉ូតូ០១គ្រឿងម៉ាក ធូដេ ពណ៌ក្រហម ។
បច្ចុប្បន្ននេះ ជនសង្ស័យខាងលើត្រូវសមត្ថកិច្ចឃាត់ខ្លួន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងតាមនីតិវិធី៕ ភារ៉ា ដង្កោ
