សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កម្លាំងនគរបាលខេត្តកំពង់ធំ បានបន្តប្រតិបត្តិការបង្ក្រាបគ្រឿងញៀន ក្នុងនោះបានឈានដល់បង្ក្រាបបានសង្ស័យគ្រឿងញៀនប្រមាណ៥៣គីឡូក្រាមបន្ថែមទៀត ។
ប្រភពបានឲ្យដឹងថា សមត្ថកិច្ចជំនាញ ក១០ នៃមន្ទីរប្រឆាំងបទល្មើសគ្រឿងញៀន សហការជាមួយកម្លាំងនៃស្នងការដ្ឋាននគរបាលខេត្តកំពង់ធំ បានបន្តការស៊ើបអង្កេតករណីបង្ក្រាបកាលពីថ្ងៃទី ២១ ខែតុលា ឆ្នាំ២០១៩ បន្តទៀត ។
ប្រភពបន្តថា លុះនៅថ្ងៃទី២៣ ខែតុលា ឆ្នាំ២០១៩ វេលាម៉ោង ១៧និង០៥នាទី សមត្ថកិច្ចបានបន្តទៅឆែកឆេរលំនៅឋាន នៅចំណុចផ្ទះគ្មានលេខ ស្ថិតនៅក្នុងភូមិសានគរ(ខ) ឃុំសានគរ ស្រុកកំពង់ស្វាយ ខេត្តកំពង់ធំ លទ្ធផល បានចាប់យកវត្ថុតាង គ្រឿងញៀនប្រភេទ មេតំហ្វេតាមីន (ICE) ចំនួន ៥៣ កញ្ចប់ធំ ប្រមាណ ៥៣ គ.ក្រ បន្ថែមទៀត ៕
