សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅក្នុងអំឡុងចុងខែតុលានេះ បណ្តាខេត្តមួយចំនួននឹងអាចមានភ្លៀងធ្លាក់តិចតួចពីកម្រិតតិចមកមធ្យម ខណៈ ក្រុមអ្នកព្យាករក្រសួងធនធានទឹកនិងឧតុនិយមនៅថ្ងៃទី២៤ ខែតុលា ឆ្នាំ ២០១៩បានបង្ហាញឲ្យឃើញថា ជ្រលងនៃសម្ពាធខ្ពស់ខ្សោយពីប្រទេសចិន បាននឹងកំពុងគ្របដណ្តប់មកលើកម្ពុជា ។
យោងតាមសេចក្តីប្រកាសជូនដំណឹងក្រសួងធនធានទឹកឧតុនិយមអោយដឹងទៀតថា ១- ចាប់ពីថ្ងៃទី ២៨
-៣១ ខែតុលា ខេត្តឧត្តរមានជ័យ បន្ទាយមានជ័យ បាត់ដំបង ប៉ៃលិន សៀមរាប កំពង់ធំ ព្រះវិហារ ស្ទឹងត្រែង ក្រចេះ កំពង់ចាម ត្បូងឃ្មុំ រតនគិរី និងខេត្តមណ្ឌលគិរី នឹងអាចមានភ្លៀងធ្លាក់ដោយអន្លេី នៅក្នុងកម្រិតបរិមាណពីខ្សោយទៅតិច និងចាប់ពីថ្ងៃទី ២៥-៣១ ខែតុលា ៖ ខេត្តពោធិ៍សាត់ កំពង់ឆ្នាំង កំពង់ស្ពឺ កណ្តាល តាកែវ ព្រៃវែង ស្វាយរៀង រាជធានីភ្នំពេញ និងខេត្តនៅតំបន់មាត់សមុទ្រ នឹងអាចមានភ្លៀងធ្លាក់ដោយអន្លើ ក្នុងកម្រិតបរិមាណពីតិចទៅមធ្យម ។
នៅក្នុងអំឡុងភ្លៀងធ្លាក់ខាងមុខនេះ ក្រសួងធនធានទឹកនៅតែក្រេីនរំឭកប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ដែលអាចទៅកើតមាន ជាពិសេសបណ្តាខេត្តនៅតំបន់វាលទំនាបភាគីខាងក្រោម ៕
