សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ មនុស្សចំនួន០២នាក់ បានរងរបួសក្នុងហេតុការណ៍គ្រោះថ្នាក់ចរាចណ៍ ដែលបង្កឡើងដោយរថយន្តម៉ាករីវូដឹកឈើបើកបុកម៉ូតូ នៅចំណុចផ្លូវបំបែកជាបួនក្នុងភូមិស្ទឹង ឃុំសំរោង ស្រុកសូទ្រនិគមខេត្តសៀមរាប កាលពីព្រឹកថ្ងៃពុធទី៣០ ខែតុលា ឆ្នាំ២០១៩។
កម្លាំងសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ បង្កដោយរថយន្តម៉ាករីវូ ពណ៌ត្រីអ៊ី ពាក់ស្លាកលេខខេមរភូមិន្ទ ០៦.២.៦៨៤១ ដឹកឈើប្រភេទធ្នង់បាន បើកបុកម៉ូតូម៉ាកហុងដាវ៉េវពណ៌ខ្មៅពាក់ស្លាកលេខសៀមរាប ១T១៨៥២ បណ្ដាលឲ្យរបួសមនុស្ស០២នាក់របួសធ្ងន់ និងស្រាល ។
ជនរងគ្រោះ១ឈ្មោះ ជឿ ជី ភេទប្រុស អាយុ៣០ឆ្នាំ ទីលំនៅ ភូមិថ្នល់ត្រង់ ឃុំពពេល ស្រុកសូទ្រនិគម(ជាអ្នកបើបរម៉ូតូ)របួសធ្ងន់។ ២ ឈ្មោះទូចលេន ភេទប្រុសអាយុ២៣ឆ្នាំទីលំនៅ ភូមិស្ទឹង ឃុំសំរោង ស្រុកសូទ្រនិគមជាអ្នករួមដំណើរជាមួយម៉ូតូ(របួសស្រាល)។ជនរងគ្រោះត្រូវបានបញ្ជូនទៅមន្ទីរពេទ្យឯកជន ឈ្មោះ ស៊ឹង រិទ្ធីរ៉េត ។
ចំណែកម៉ូតូ និងរថយន្តរួមនឹងឈើសមត្ថកិច្ចយកទៅរក្សាទុកនូវកន្លែងអធិការនគរបាលស្រុកសូទ្រនិគម។ កម្លាំងសមត្ថកិច្ចបានបញ្ជាក់ថាតៃកុងរថយន្តដឹកឈើខាងលើបានរត់គេចខ្លួនបាត់ស្រមោល ក្រោយពីកើតហេតុ តែបានបន្សល់ទុករថយន្ត និងឈើ ៕ប៊ុនរិទ្ធី
