សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រសៀលថ្ងៃទី៣១ ខែតុលា ឆ្នាំ២០១៩ កម្លាំងជំនាញអធិការដ្ឋាននគរបាលស្រុកព្រៃនប់ សហការជាមួយកម្លាំងនគរបាលចរាចរណ៏ បង្ក្រាបបានបទល្មើសគ្រឿងញៀន នៅភូមិបន្ទាយប្រិយ៍ ឃុំអណ្ដូងថ្ម ស្រុកព្រៃនប់ ខេត្តព្រះសីហនុ ឃាត់ខ្លួនជនសង្ស័យបានចំនួន២នាក់។
១.ឈ្មោះ ធឿន ហេង ភេទប្រុស អាយុ៣៤ឆ្នាំ មានទីលំនៅភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ មុខរបរកម្មករ។ ២.ឈ្មោះ ពឿន តុង ភេទប្រុស អាយុ២២ឆ្នាំ មានទីលំនៅភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ មុខរបរកម្មករ។
សមត្ថកិច្ចបញ្ជាក់ថា បានដកហូត វត្ថុតាងរួមមាន ម្សៅសារធាតុញៀនចំនូន០២កញ្ចប់ (ធំ០១ តូច០១) និងទូរស័ព្ទដៃចំនួន០២គ្រឿង។
បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕ ឆ្លាម សមុទ្រ
