សារព័ត៌មាន នគរវត្ត តែងតែនាំមុខគេជានិច្ច
ប្រភពព័ត៌មានរ៉យទ័របានផ្សាយនៅថ្ងៃទី៧ ខែវិច្ឆិកា ឆ្នាំ២០១៩ថា ប៉ូលិសអន្តោប្រវេសន៍របស់ម៉ាឡេស៊ី បានចាប់ឃុំខ្លួនអ្នកស្រី មួ សុខហួ អនុប្រធានគណបក្សសង្គ្រោះជាតិ ដែលជាគណបក្សប្រឆាំងមួយត្រូវបានហាមឃាត់នៅក្នុងប្រទេសកម្ពុជា ។ ប្រភពរ៉យទ័របានស្រង់ព័ត៌មាននេះពីមន្ត្រីដែលដឹងអំពីកិច្ចការនេះ ហើយស្នើសុំមិនបញ្ចេញឈ្មោះ។
ប្រភពបានបញ្ជាក់ថា ការចាប់ឃុំខ្លួននេះ នៅមុនពេលគម្រោងវិលត្រឡប់របស់មេដឹកនាំគណបក្សសង្គ្រោះជាតិដែលនិរទេសខ្លួន ដែលក្នុងនោះមានលោកស្រី មួ សុខហួ និងលោក សម រង្ស៊ី ដែលជាស្ថាបនិកគណបក្សនោះ ។
នាយកដ្ឋានប៉ូលិសអន្តោប្រវេសន៍ម៉ាឡេស៊ីមិនទាន់អាចឆ្លើយព័ត៌មានស្តីអំពីការឃុំខ្លួនខាងលើនេះ ដល់អ្នកសារព័ត៌មានរ៉យទ័រនៅឡើយទេ ៕
