បុរសជនជាតិចិនម្នាក់ត្រូវជនសង្ស័យឆក់ទូរស័ព្ទដៃបានដោយសុវត្ថិភាព

ភ្នំពេញ៖  បុរសជនជាតិចិនម្នាក់ ខណៈដែលឈប់ម៉ូតូរវល់តែថតទិដ្ឋភាពតាមដងផ្លូវ ភ្លេចខ្លួន ស្រាប់តែមានជនសង្ស័យម្នាក់ជិះម៉ូតូមកឆក់យកទូរស័ព្ទដៃបានសម្រេច គេចខ្លួនបាត់ស្រមោល កាលពីវេលាម៉ោង៣រសៀល ថ្ងៃទី១៩ ខែវិច្ឆិកា ឆ្នាំ២០១៩ នៅតាមផ្លូវបេតុង ភូមិព្រៃទា សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។

ជនរងគ្រោះ ជាបុរសជនជាតិចិនម្នាក់ ហើយមុនកើតហេតុ ជនរងគ្រោះជិះម៉ូតូស៊ូរ៉ុស ពណ៍ខ្មៅ​ ពាក់ស្លាកលេខភ្នំពេញ1Q1890 មកឈប់នៅក្បែរហាងកាហ្វេមួយកន្លែងខាងលើ ចុះថតរូបភាព ទិដ្ឋភាព ដ៏ស្រស់ត្រកាល ក្នុងបុរីញូថោន ទាំងអារម្មណ៍ជក់ចិត្ត ភ្លេចខ្លួន ស្រាប់តែមានជនសង្ស័យជិះម៉ូតូ ម៉ាកជីប៊ីត មួយគ្រឿង មកឆក់យកទូរស័ព្ទ ដែលជនរងគ្រោះយកទៅបាត់ គេចខ្លួនបាត់ស្រមោល ។ 

ក្រោយកេីតហេតុជនរងគ្រោះបានដាក់ពាក្យបណ្តឹងដេីម្បីនគរបាលងាយស្រួលស្រាវជ្រាវតាមចាប់យកមកផ្តន្ទាទោសតាមច្បាប់៕ សុខាសែនជ័យ