សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ ដែលញៀនល្បែងស៊ីសងប្រភេទហ្គេមបាញ់ត្រី និងនាំគ្នាទៅសងំប្រើប្រាស់គ្រឿងញៀន ក្នុងទីតាំងហ្គេមបាញ់ត្រីមួយកន្លែងតាមផ្លូវឌួងហែម ត្រូវកម្លាំងនគរបាលប៉ុស្តិ៍ផ្សារដើមថ្កូវ ខណ្ឌចំការមន ចុះបង្ក្រាបនិងឃាត់ខ្លួនជាក់ស្តែង ដកហូតបានទូរហ្គេមបាញ់ត្រីចំនួន២គ្រឿងផងដែរ ។
ករណីបង្ក្រាបហ្គេមបាញ់ត្រីខាងលើនេះ បានធ្វើឡើងកាលពីវេលាម៉ោង៤និង៣៥នាទីរសៀល ថ្ងៃទី១៨ ខែវិច្ឆិកា ឆ្នាំ២០១៩ ចំណុចទីតាំងគ្មានលេខ ផ្លូវ១០១ ក្រុមទី៣១ ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
មន្រ្តីនគរបាលខណ្ឌចំការមន បានឲ្យដឹងថា ជនសង្ស័យទាំង៣នាក់នេះ ទី១ឈ្មោះ ឃុត ម៉ែត ភេទប្រុស អាយុ២៤ឆ្នាំ ស្នាក់នៅមិនពិតប្រាកដ , ទី២ឈ្មោះ យឹម សីហា ភេទប្រុស អាយុ២៥ឆ្នាំ ស្នាក់នៅភូមិកំពង់បាយ ឃុំកំពង់បាយ ស្រុកកោះសូទិន ខេត្តកំពង់ចាម ;និងទី៣ឈ្មោះ ទេព សុភក្ត្រ័ ភេទប្រុស អាយុ៣៣ឆ្នាំ ស្នាក់នៅមិនពិតប្រាកដ ។
មន្រ្តីដដែរបន្តថា មុននឹងឈានដល់ការចុះបង្ក្រាបទីតាំងនេះ គឺកម្លាំងនគរបាលប៉ុស្តិ៍ផ្សារដើមថ្កូវ សហការជាមួយនគរបាលខណ្ឌចំការមន ទទួលបានព័ត៍មានថាមានការបើកបនល្បែងស៊ីសងប្រភេទហ្គេមបាញ់ត្រីនៅចំណុចខាងលើ ភ្លាមនោះកម្លាំងជំនាញបានចុះទៅត្រួតពិនិត្យនិងបង្ក្រាបជាក់ស្តែងតែម្តង ដោយសមត្ថកិច្ចដកហូតបានទូរហ្គេមបាញ់ត្រីចំនួន២គ្រឿង និងឃាត់ខ្លួនអ្នកមើលការខុសត្រូវម្នាក់ឈ្មោះ គង់ លីដា ភេទស្រី អាយុ២៧ឆ្នាំ ស្នាក់នៅភូមិ៥ សង្កាត់ផ្សារដើមថ្កូវ យកមកសាលាខណ្ឌចំការមន ដើម្បីធ្វើការអប់រំ ។ ចំណែកជនសង្ស័យជាអ្នកលេងល្បែងស៊ីសង៣នាក់ ត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ជូនខ្លួនទៅកាន់តុលាការ ដើម្បីចាត់ការតាមច្បាប់បន្តទៀត ៕ស រស្មី
