សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ គ្រោះថ្នាក់ចរាចរណ៍ រថយន្ដបើកបុកអ្នកថ្មើរជើង ស្លាប់ភ្លាមៗនៅកន្លែងកើតហេតុ ។ ហេតុការណ៍នេះ បានកើតឡើងកាលពីវេលាម៉ោង ១៩និង១៥នាទី ថ្ងៃទី១៩ ខែវិច្ឆិកា ឆ្នាំ២០១៩ លើកំណាត់ផ្លូវជាតិលេខ៦ ក្នុងភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប ។
សមត្ថកិច្ចបានឲ្យដឹងថា រថយន្តបង្កម៉ាក HYunDAl ពណ៍ស ទ្រុងពណ៍ខៀវ (ភ្លៅប្រាំ) ពាក់ស្លាកលេខ កំពង់ចាម 3A6928 (ដឹកអេតចាយ) អ្នកបើកបររត់គេចខ្លួន បើកបុកមនុស្សដើរឆ្លងផ្លូវក្នុងទិដៅពីលិចទៅកើត ។
ជនរងគ្រោះឈ្មោះ សំ ចាន់រឿន ភេទប្រុស អាយុ៣៣ឆ្នាំ ទីលំនៅភូមិធ្នង់ ឃុំដានរុន ស្រុកសូទ្រនិគម ខេត្តសៀមរាប ។
បច្ចុប្បន្នសាកសពប្រគល់ឲ្យក្រុមគ្រួសារធ្វើបុណ្យតាមប្រពៃណី រីឯរថយន្ត រក្សាទុកកន្លែងអធិការដ្ឋាននគរបាល ស្រុកសូទ្រនិគម ៕ ប៊ុនរិទ្ធី
