សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ កម្លាំងសមត្ថកិច្ចជំនាញខេត្តតាកែវ បានតាមក្របួចជនសង្ស័យម្នាក់ដែលធ្វើសកម្មភាពលួចគាស់ទូដែករោងចក្រ “យូរហ្វីថេ” បានប្រាក់ជាង២ម៉ឺនដុល្លារ ហើយគេចខ្លួនបានមួយថ្ងៃ ។
ការតាមក្របួចចោរលួចគាស់ទូដែកនេះបានប្រព្រឹត្តទៅកាលពីព្រឹក ថ្ងៃ សុក្រ ១១រោច ខែកត្តិក ឆ្នាំ កុរ ឯកស័ក ព.ស.២៥៦៣. ត្រូវនឹងថ្ងៃទី ២២ខែ វិច្ឆិកា ឆ្នាំ២០១៩ លំនៅ ឃុំតាំងដូង ស្រុកបាទី ខេត្តតាកែវ។
មន្ត្រីនគរបាលព្រហ្មទណ្ឌខេត្តតាកែវបានឲ្យដឹងថា ជនសង្ស័យឈ្មោះ ឡាយ សុខរីម ភេទប្រុស អាយុ២២ឆ្នាំ មានទីលំនៅភូមិទួលល្ហុង ឃុំតាំងដូង ស្រុកបាទី ខេត្តតាកែវ។ ជនសង្ស័យរូបនេះបានធ្វើសកម្មភាពចូលគាស់ទូរដែករោងចក្រ “យូរហ្វីថេ” បានប្រាក់ជាង២ម៉ឺនដុល្លារ ស្ថិតនៅភូមិទួលល្ហុងឃុំតាំងដូង កាលពីព្រឹកថ្ងៃទី២១ ខែវិច្ឆិកា ឆ្នាំ២០១៩ ហើយគេចខ្លួន តែសមត្ថកិច្ចស្រាវជ្រាវដឹងតាមចាប់ខ្លួនទាល់តែបាន ដោយរឺបអូសបានប្រាក់ដែលលួចបាននោះបានមួយចំនួនធំមកវិញ ។
មកដល់ពេលនេះ ជនសង្ស័យរូបនេះត្រូវបានកម្លាំងនគរបាលខេត្តតាកែវបានកសាងសំណមរឿងបញ្ជូនទៅតុលាការដើម្បីចាត់ការតាមច្បាប់ ៕ ប្រាថ្នា
