សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីអាយុប្រហែល៥ឆ្នាំម្នាក់ ក្រោយពីចេញពីសាលារៀង គ្មានអាណាព្យាបាលមកទទួល ត្រូវបានប្រជាពលរដ្ឋដឹកទៅប៉ុស្តិ៍នគរបាលរដ្ឋបាលកាកាបទី១ ខណ្ឌពោធិ៍សែនជ័យ ហើយត្រូវបាននគរបាលប្រកាសរកឪពុកម្តាយកាលពីល្ងាចថ្ងៃទី២២ ខែវិច្ឆិកា ឆ្នាំ២០១៩ ។
ក្មេងស្រីខាងលើឈ្មោះ ធឿន ស្រីលី អាយុប្រហែល ៥ឆ្នាំ ។
សមត្ថកិច្ចបានឲ្យដឹងថា មុនពេលកើតហេតុ មានប្រជាពលរដ្ឋម្នាក់បានដឹកក្មេងស្រីខាងលើមកប្រគល់ជូននគរបាល បន្ទាប់ពីរូបគាត់ទៅទទួលកូននៅសាលារៀនមត្តេយ្យពោធិ៍ចិនតុង ដោយឃើញក្មេងខាងលើអង្កុយស្រងូតស្រងាត់ម្នាក់ឯង ទើបសួរនាំរកផ្ទះ តែក្មេងនោះមិនស្គាល់ ទើបដឹកទៅប្រគល់ជូននគរបាលរដ្ឋបាលប៉ុស្តិ៍កាកាបទី១តែម្តង។
ក្រោយពីទទួលបានក្មេងហើយកម្លាំងនគរបាលបានប្រកាសតាមវិទ្យុទាក់ទង និងស្រាវជ្រាវទើបដឹងថា មានម្តាយឪពុកស្នាក់នៅភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ ហើយបានដឹកជូនទៅប្រគល់ឲ្យឪពុកម្តាយវិញ។
ឪពុកម្តាយក្មេងបានឲ្យដឹងថា ដោយសារតែរវល់ការងារពេកហើយប្តីស្មានតែប្រពន្ធទៅយករីឯប្រពន្ធស្មានតែប្តីទៅយកទើបធ្វើឲ្យកូនរបស់គាត់វង្វេងបែបនេះ ។
សមត្ថកិច្ចបានសំណូមពរដល់ឪពុកម្តាយគ្រប់រូបមេត្តាថែរក្សាកូនតូចឲ្យបានល្អចៀសវាងមនុស្សអាក្រក់ចាប់យកទៅប្រពិត្តបទល្មើសផ្សេងៗ ៕ សុខាសែនជ័យ
