សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ស្ត្រីម្នាក់បានស្លាប់ និងបុរសម្នាក់រងរបួស ធ្ងន់ ក្រោយជិះរថយន្តដឹកបន្លែ ជ្រុលទៅបុកដើមឈើ ក្បែរចិញ្ចើមផ្លូវជាតិលេខ៤ កាលពីម៉ោង០២និង១៥នាទីទៀបភ្លឺ ថ្ងៃទី២៥ ខែវិច្ឆិកា ឆ្នាំ២០១៩ ចន្លោះគីឡូម៉ែត្រ ១១៧-១១៨ ស្ថិតនៅភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ ។
សមត្ថកិច្ចបញ្ជាក់ថា គ្រោះថ្នាក់ចរាចរណ៍មួយនេះ បង្កដោយខ្លួនឯង គឺរថយន្ត ម៉ាក Ssangyong ពាក់ស្លាក លេខ ភ្នំពេញ2I -1209 (ដឹកបន្លែ) មានទិសដៅពីភ្នំពេញ ឆ្ពោះទៅ ខេត្តព្រះសីហនុបើកបរដោយឈ្មោះ ហែម សាវឿន ភេទប្រុស អាយុ ២៦ឆ្នាំ មានទីលំនៅភូមិអភិវឌ្ឍន៏តេជោ ស្រុកឈូកខេត្តកំពត មានអ្នករួមដំណើរម្នាក់ឈ្មោះ ហែម ស្រីហុង ភេទស្រី អាយុ ២៥ឆ្នាំ មានទីលំនៅដូចគ្នា (ត្រូវប្អូនស្រីបង្កើតរបស់អ្នកបើកបរ) លុះមកដល់ចំណុចខាងលើបានរេចង្កូតធ្លាក់ផ្លូវមកខាងស្តាំបុកដើមឈើនៅចញ្ចើមផ្លូវ បណ្តាលឲ្យ ឈ្មោះ ហែម សាវឿន អ្នកបើកបររថយន្ត រងរបួសជើងធ្ងន់ធ្ងរ និងឈ្មោះ ហែម ស្រីហុង ជាប្អូនស្រី ស្លាប់នៅនឹងកន្លែងកើតហេតុ ៕ ឆ្លាម សមុទ្រ
