សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសវ័យចំណាស់ម្នាក់ ខណៈមិនស្រួលខ្លួនបានធ្វើដំណើរ ទៅរកនារីម៉ាស្សាដើម្បីកោសឲ្យតែមិនទាន់បានកោស ផងស្រាប់តែដេកស្លាប់បាត់ទៅហើយ ។
ហេតុការណ៍នេះ បង្កការភ្ញាក់ផ្អើលកាលពីវេលាម៉ោង៩និង៣០នាទីព្រឹកថ្ងៃទី២៥ ខែវិច្ឆិកា ឆ្នាំ២០១៩ នៅហាងយីហោ ដាវី៩៩៩៩ ផ្ទះលេខ៣៧៥ ផ្លូវបេតុង ភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
សពមានឈ្មោះទេព ណែម ភេទប្រុស អាយុ៧៤ឆ្នាំ មុខរបរជំនួយការភូមិ ស្នាក់នៅផ្ទះលេខ៤៥ ភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រពន្ធព័ត៌មានបានឲ្យដឹងថា មុនពេលកើតហេតុជនរងគ្រោះមិនសូវស្រួលខ្លួនហើយបានទៅរកនារីម៉ាស្សាដើម្បីកោសខ្យល់ឲ្យ ខណៈទៅដល់នារីម៉ាស្សាបានឲ្យទៅដេកក្នុងបន្ទប់ឡៅតឿខាងលើបន្ទាប់មកពេលនារីម៉ាស្សាឡើងទៅ ក៏ឃើញជនរងគ្រោះដេកមិនមាត់កទើបហៅតែមិនភ្ញាក់ ទើបបង្កការភ្ញាក់ផ្អើលនាំគ្នាជួយសង្គ្រោះបឋមតែអកុសលជនរងគ្រោះបានស្លាប់បាត់ទៅហើយ ។
ក្រោយពេលកើតហេតុ ទើបរាយការណ៍ទៅសមត្ថកិច្ចចុះមកកោសល្យវិច័យឃើញថា ជនរងគ្រោះស្លាប់ដោយសារខ្យល់គរទើបប្រគល់ទៅក្រុមគ្រួសារយកទៅធ្វើបុណ្យតាមប្រពៃណី ៕ សុខាសែនជ័យ
