សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីម្នាក់ដេកលង់លក់ក្នុងការដ្ឋានសំណងម្នាក់ឯង ត្រូវជនសង្ស័យលបចូលហើយធ្វើសកម្មភាពចាប់រំលោភរហូតបានសម្រេចចំនួន៣ដង កាលវេលាម៉ោងរំលងអធ្រាត្រ ឈានចូលថ្ងៃទី២៥ ខែវិច្ឆិកា ឆ្នាំ២០១៩ នៅក្នុងការដ្ឋានសំណង់មួយកន្លែង បុរីលឹមឈាងហាក់ ភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ ហើយគេចខ្លួនបាត់លុះមកដល់វេលាម៉ោង១១និង៣០ព្រឹក ថ្ងៃទី២៥ ខែវិច្ឆិកា ឆ្នាំ២០១៩ ទើបប្តឹងសមត្ថកិច្ចឃាត់ខ្លួនតែម្តង ។
ជនសង្ស័យឈ្មោះអ៉ិន លាស់ ភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅកន្លែងកើតហេតុ។ ចំណែកជនរងគ្រោះ អាយុ១៤ឆ្នាំ ។
ប្រភពនៅកន្លែងកើតហេតុបានឲ្យដឹងថា មុនពេលកើតហេតុជនរងគ្រោះបានដេកម្នាក់ឯងនៅក្នុងការដ្ឋានសំណង់ខាងក្រោយចំណែកបងជីដូនមួយបានដេកខាងមុខ លុះមកដល់វេលាម៉ោងរំលងអធ្រាត្រ ជនសង្ស័យឃើញឱកាសល្អ ក៏លបចូលទៅចាប់គំរាមសម្លាប់ និងរំលោភរហូតបានសម្រេចម្តង។
ប្រភពបន្តថា មួយសន្ទុះក្រោយមកជនសង្ស័យក៏បានចាប់រំលោភបានសម្រេចម្តងទៀត រហូតទៀបភ្លឺជនសង្ស័យក៏ចាប់រំលោភបានសម្រេចជាលើកទី៣ ហើយក៏ចេញទៅបាត់។
សាក្សីបន្តទៀតថា រហូតមកដល់វេលាម៉ោង១០ព្រឹក ថ្ងៃទី២៥ ខែវិច្ឆិកា ឆ្នាំ២០១៩ ទើបជនរងគ្រោះនិយាយដំណើររឿងប្រាប់បងជីមួយ ទើបប្តឹងសមត្ថកិច្ចឃាត់ខ្លួនតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅអធិការនគរបាលខណ្ឌដើម្បីចាត់ការតាមនីតិវិធី ៕ សុខាសែនជ័យ
