សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនង្ស័យប្រុសស្រីចំនួន៣នាក់ ត្រូវបានកម្លាំងនគរបាល ឃាត់ខ្លួន ដោយជាប់ពាក់ព័ន្ធការប្រើប្រាស់គ្រឿងញៀន និងកាន់កាប់អាវុធខុសច្បាប់ ។
ប្រតិបត្តិការនេះ បានធ្វើឡើងកាលពីវេលាម៉ោង ១៣ និង៣០នាទី ថ្ងៃទី២៥ ខែវិច្ឆិកា ឆ្នាំ២០១៩ ចំណុចបន្ទប់ជួល០១១ ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។
ជនសង្ស័យទី១ឈ្មោះ ផាន វ៉ា ភេទប្រុស អាយុ៣២ឆ្នាំ មុខរបរសំណង់ ស្នាក់នៅបន្ទប់ជួល ភូមិកន្ទោកជើង សង្កាត់កន្ទោក ខណ្ឌកំបូល ។
ជនសង្ស័យទី២ឈ្មោះ ហេង ឆេង ឡា ភេទប្រុស អាយុ៣៥ឆ្នាំ មុខរបរនៅផ្ទះ ស្នាក់បន្ទប់ជួល ភូមិអង្គ សង្កាតចោមចៅទី៣ ខណ្ឌកំបូល ។
ជនសង្ស័យទី៣ឈ្មោះ ជឹម ស្រីលាប ភេទស្រី អាយុ១៨ឆ្នាំ មុខរបរមិនពិត ស្នាក់នៅបន្ទប់ភូមិកន្ទោកជើង សង្កាត់កន្ទោក ខណ្ឌកំបូល ។
សមត្ថកិច្ចដកហូត ក្រាមសថ្លាចំនួន២កញ្ចប់ថង់តូច,
ម៉ូតូគុបជ្រុងកញ្ចាស់១គ្រឿងគ្មានស្លាកលេខ,
ដាវកែឆ្នៃ១ដើម និងឧបករណ៍ប្រើប្រាស់គ្រឿងញៀនមួយចំនួន ។
កម្លាំងសមត្ថកិច្ចបានឲ្យដឹងថា បន្ទាប់ពី បានទទួលពត៌មានពីប្រជាពលរដ្ឋរាយការណ៍ប្រាប់ថា មាជនសង្ស័យ០១ក្រម កំពុងសម្ងំធ្វើសកម្មភាពជួញដូរគ្រឿងញៀន នៅចំណុច បន្ទប់ជួលលេខ០១១ ភូមិកន្ទោកខាងជើង សង្កាត់កន្ទោក ខណ្ឌកំបូល ភ្លាមនោះក្រោយពីទទួលបានដំណឹងនេះភ្លាម ទើបកម្លាំងសមត្ថកិច្ចនគរបាល បានចុះដល់ចំណុចខាងលើ និងបានឃាត់ខ្លួនជនសង្ស័យចំនួន០៣នាក់តែម្តង ។
បច្ចុប្បន្នជនសង្ស័យ បានប្រគល់អោយផ្នែកជំនាញ នៃអធិការនគរបាលខណ្ឌពោធិ៍សែនជ័យ ដើម្បីអនុវត្តបន្តតាមនីតិវិធី ៕សុខាសែនជ័យ
