បុរសម្នាក់ធ្វើអត្តឃាតនៅវេលាម៉ោងរំលងអធ្រាត្រដោយមិនដឹងមូលហេតុ​

ខេត្តព្រះសីហនុ៖ បុរសម្នាក់ទៀតបានចង ក សម្លាប់ខ្លួន កាលពីយប់រំលងអធ្រាត្រឈានចូលថ្ងៃទី២៦ ខែវិច្ឆិកា ឆ្នាំ២០១៩ ស្ថិតនៅភូមិ3 សង្កាត់លេខ3 ក្រុងព្រះសីហនុ ខេត្តព្រះសីហនុ ។

សមត្ថកិច្ចប្រាប់ថាបុរសដែលធ្វើអត្តឃាតនេះឈ្មោះ ហ៊ ហ្វុង ភេទប្រុស អាយុ២៦ឆ្នាំ មុខរបរ ផ្នែក ដឹកជញ្ជូន ។ ទោះជាយ៉ាងនេះក្តី មិនមានប្រភពអះអាងថា ការធ្វើអត្តឃាតនេះ ដោយសារមូលហេតុអ្វីនោះទេ ។

ក្រោយធ្វើកោសល្យវិច័យរួចសមត្ថកិច្ចបញ្ជាក់ថា បុរសនេះពិតជាចង ក សម្លាប់ខ្លួនមែន និងបានបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី ៕ ឆ្លាម សមុទ្រ