សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលចម្រុះនៃអធិការខណ្ឌដង្កោដែលដឹកនាំបញ្ជាផ្ទាល់ពីសំណាក់លោកវរសេនីយ៍ឯក ជឹម សីុថា អធិការខណ្ឌបានចាប់ឃាត់ខ្លួនជនសង្ស័យចំនួន៤នាក់ពាក់ព័ន្ធនឹងករណីប្រើប្រាស់ និងជួញដូរថ្នាំញៀន ដោយប្រតិបត្តិការនេះធ្វើឡើង កាលពីរសៀលថ្ងៃទី០២ ខែវិច្ឆិកា ឆ្នាំ២០១៩ ត្រង់ចំណុចស្ថានីយប្រេងឥន្ធន:តេលា យីហោឫស្សីសាញ់ ផ្លូវបេតុង៥០ម៉ែត្រ ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យចំនួន០៤នាក់ ដែលឃាត់ខ្លួនទី ១/ឈ្មោះ ង៉ាន់ ដែត ភេទប្រុស អាយុ១៨ឆ្នាំ មុខរបរមិនពិតប្រាកដ ២.ឈ្មោះ ឌិន ចាវ ភេទប្រុស អាយុ២៥ឆ្នាំ ៣.ឈ្មោះ អ៊ុំ សុចិត្រា ភេទប្រុស អាយុ២១ឆ្នាំ មុខបរមិនពិតប្រាកដ ៤ឈ្មោះ រ៉េត ថារិន ភេទប្រុស អាយុ២៤ឆ្នាំ ហើយអ្នកទាំង៤ស្នាក់នៅផ្ទះជួល ភូមិតាឡី សង្កាត់ដង្កោខណ្ឌដង្កោ រាជធានីភ្នំពេញ ។
សមត្ថកិច្ចបន្តថា ក្រោយទទួលបានសេចក្តីរាយការណ៍ពីប្រជាពលរដ្ឋភ្លាមៗ លោកអធិការខណ្ឌបានដឹកនាំកម្លាំងចម្រុះ ស្រាវ ជ្រាវបង្ក្រាបមុខសញ្ញាជួញដូរដោយខុសច្បាប់នូវសារធាតុញៀន ត្រង់ចំណុចស្ថានីយ៍ប្រេងឥន្ធន:តេលា យីហោឫស្សីសាញ់ផ្លូវបេតុង៥០ម៉ែត្រ ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ ពេលនោះសមត្ថកិច្ចបានឃាត់ខ្លួនជនសង្ស័យ០៤នាក់ និងម៉ូតូ៣គ្រឿង រួមជាមួយសម្ភារៈប្រើប្រាស់គ្រឿងញៀន និងថ្នាំញៀនមួយចំនួន យកមកសាកសួរនៅអធិការដ្ឋាននគរបាលខណ្ឌដង្កោតាមច្បាប់ ៕ ភារ៉ា ដង្កោ
