សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋរស់នៅក្នុងភូមិព្រៃព្រីងខាងជើង១ ភូមិព្រៃទា១ និងព្រៃទា២ នៃសង្កាត់ចោមចៅទី៣ ខណ្ឌពោធិ៍សែនជ័យ កំពុងសប្បាយចិត្តលែងព្រួយបារម្ភ និងសាទរចំពោះអាជ្ញាធរ ដែលបានកាយប្រឡាយដាក់ជាប្រព័ន្ធលូប្រវែង៧៥០ម៉ែត្រដើម្បីបញ្ចៀសនូវគ្រោះទឹកជំនន់ ។
លោកសុទ្ធ សុជាតិ ចៅសង្កាត់រង ចោមចៅទី៣ បានប្រាប់ ភ្នាក់ងារការសែតនគរវត្តនៅព្រឹកថ្ងៃទី៤ ខែធ្នូ ឆ្នាំ២០១៩ ឲ្យបានដឹងថា កន្លងមក នៅតំនប់រោងចក្រ QMI និងមហាវិថីសហព័ន្ធរុស្ស៊ី តែងតែជួបនូវគ្រោះទឹកលិចនារដូវស្សា ពិបាក់ដល់បងប្អូនប្រជាពលរដ្ឋរស់នៅ និងការធ្វើដំណើរទៀតផង ។
ដោយសារមើលឃើញទុក្ខលំបាកបែបនេះ អាជ្ញាធរក៏បានស្នើដល់សាលារាជធានីភ្នំពេញ ដើម្បីដាក់ជាប្រព័ន្ធលូបញ្ចៀសនូវគ្រោះទឹកជំនន់ងាយស្រួលដល់ការរស់នៅដល់ប្រជាពលរដ្ឋ ។
លោកបានបន្តថា ការស្ថាបនាប្រព័ន្ធលូខាងលើនោះ មានមុខកាត់១,៥០ម៉ែត្រ និងបណ្តោយ៧៥០ម៉ែត្រ ដោយឆ្លងកាត់៣ភូមិ គឺ ភូមិព្រៃព្រីងខាងជើង១ ភូមិព្រៃទា១ និងព្រៃទា២ នៃសង្កាត់ចោមចៅទី៣ រហូតមកដល់ពេលនេះ ស្ថាបនាបាន៦០គាគរយហើយ ។
លោកបានបន្តទៀតថា ក្រោយពីស្ថាបនាប្រព័ន្ធលូរួចរាល់ និងមានគម្រោងធ្វើជាផ្លូវបេតុងថែមទៀតផង ៕ សុខាសែនជ័យ
