សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ក្នុងចំណោមបក្ខពួក២នាក់ ត្រូវបានកម្លាំងនគរបាលខណ្ឌមានជ័យឃាត់ខ្លួន កាលពីវេលាម៉ោង ២ និង៥០នាទីរំលងអធ្រាត្រ ឈានចូលថ្ងៃទី៦ ខែធ្នូ ឆ្នាំ២០១៩ បន្ទាប់ពីជននេះ បានធ្វើសកម្មភាពលួចឆ្កឹះសោទ្វាររបង នៅចំណុចផ្ទះជួលគ្មានលេខ ផ្លូវលេខ២០បេតេ ស្ថិតភូមិត្នោតជ្រុំ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ លួចយកម៉ូតូមួយគ្រឿងបានសម្រេច ហើយជនសង្ស័យម្នាក់ទៀតជិះគេចខ្លួនបាត់ ។
ជនសង្ស័យឈ្មោះ តូ សុខហេង ភេទប្រុស អាយុ ២៩ ឆ្នាំ ជនជាតិខ្មែរ មានទីលំនៅផ្ទះលេខ២៥ ផ្លូវបេតុង ភូមិសន្សំកុសល២ ខណ្ឌចម្ការមន រាជធានីភ្នំពេញ (ឃាត់ខ្លួនមានផ្ទុកសារធាតុញៀន)។ ចំណែកជនរងគ្រោះឈ្មោះ ឃឹម កុសល ភេទប្រុស អាយុ ៤១ ឆ្នាំ មុខរបរមន្ត្រីកងរាអាវុធហត្ថ ជនជាតិខ្មែរ មានទីលំនៅភូមិ/សង្កាត់ខាងលើ ។
សម្ភារបាត់បង៖ ម៉ូតូ០១គ្រឿងម៉ាក ហ្វីណូ ពណ៌ស លាយខ្មៅ លេខតួនិងលេខម៉ាស៊ីន០៣១១៩៥ ពាក់ស្លាកលេខ ភ្នំពេញ 1AS-7876 ។
វត្ថុតាងដកហូត៖ ម៉ូតូ១គ្រឿងម៉ាក ស្ទេបពណ៌ខ្មៅ ពាក់ស្លាក លេខ ភ្នំពេញ 1E-8791 និង ទូរស័ព្ទដៃ០១គ្រឿងម៉ាក ហូវៃគ្មានស៊ីមកាត របស់ជនរងគ្រោះ។
បច្ចុប្បន្ន ជនសង្ស័យត្រូវសមត្ថកិច្ចបញ្ជូនទៅ អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕ ភារ៉ា ដង្កោ
