សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ សមត្ថកិច្ចនគរបាលមូលដ្ឋាន បានឲ្យដឹងថា មានបុរសម្នាក់បានឡើងចង ក សម្លាប់ខ្លួននៅលើចុងដូង ត្រង់ចំណុចម្តុំភូមិខាងក្រោយមន្ទីរព័ត៌មានខេត្តព្រះសីហនុ ស្ថិតក្នុងសង្កាត់លេខ២ ក្រុង-ខេត្តព្រះសីហនុ កាលពីព្រឹកថ្ងៃទី១១ ខែធ្នូ ឆ្នាំ២០១៩ ។
សមត្ថកិច្ចបញ្ជាក់ថា សាកសពបុរសរងគ្រោះឈ្មោះ ឃុន បាន ភេទប្រុស អាយុ២៦ឆ្នាំ មុខរបរកម្មករសំណង់ និងមានស្រុកកំណើត ភូមិអូរស្វាយ ឃុំត្រពាំង ប្រាសាទ ស្រុកត្រពាំងប្រាទ ខេត្តឧត្ដរមានជ័យ ។
ជនរងគ្រោះមានប្រពន្ធឈ្មោះ កា រ៉ានី អាយុ ៣២ឆ្នាំ មុខរបរកម្មករសំណង់ដូចគ្នា ស្នាក់នៅបណ្តោះអាសន្ន ក្នុងការដ្ឋានសំណង់ ស្ថិតនៅក្រុមទី១២ ភូមិ២ សង្កាត់លេខ២ ក្រុង-ខេត្តព្រះសីហនុ ។
សមត្ថកិច្ច មិនទាន់បញ្ជាក់មូលហេតុ នៃការស្លាប់បុរសខាងលើ ថាបណ្តាលមកពីមូលហេតុអ្វី ឲ្យពិតប្រាកដនៅឡើយទេ ដោយកំពុងបន្តៗសាកសួរប្រពន្ធ របស់បុរសរងគ្រោះ ៕ ឆ្លាម សមុទ្រ
