សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ត្រូវបានអ្នកភូមិប្រទះឃើញដេកស្លាប់ ក្នុងទឹកស្រែ និងរាយការណ៍មកសមត្ថកិច្ចក្រុមគ្រួសារមកពិនិត្យខ្លាចជាអំពើឃាដកម្ម ។ ហេតុការណ៍នេះ បានកើតឡើងកាលពីកាលពីវេលាម៉ោង១០ និង៤៥នាទីព្រឹក ថ្ងៃទី១៦ ខែធ្នូ ឆ្នាំ២០១៩ ស្ថិតក្នុងភូមិដំបូកជួរ សង្កាត់ច្រកម្ទេស ក្រុងបាវិត ខេត្តស្វាយរៀង ។
បើតាមសមត្ថកិច្ចនគរបាលក្រុងបាវិតបានឲ្យដឹងថា ជនរងគ្រោះមានឈ្មោះ សំយ៉េន អាយុ២២ឆ្នាំ មុខរបរមិនពិតប្រាកដ រស់ក្នុងភូមិដំបូកជួរ សង្កាត់ច្រកម្ទេស ក្រុងបាវិត ខេត្តស្វាយរៀង ខណៈមានម្ដាយឈ្មោះ តូច សម្បត្តិ អាយុ៤៨ឆ្នាំ មុខរបរកសិករ ។
បើតាមម្ដាយរបស់ខាងលើបានប្រាប់សមត្ថកិច្ចទាំងទឹកភ្នែកថា កូនរបស់ខ្លួនឈ្មោះសំយ៉េន នេះបានបង្កការអុកឡុកទារលុយក្រុមគ្រួសារដើម្បីយកទៅទិញថ្នាំញៀនយកមកប្រើប្រាស់ មិនតែប៉ុណ្ណោះ ព្រមទាំងគំរាមរកសម្លាប់គាត់ទើបរាយការណ៍មកតែម្ដង ។
ក្រោយមកកូនគាត់ដឹងខ្លួន ក៏បានរត់គេចខ្លួនដោយឃើញសមត្ថកិច្ចមកដល់ដេញចាប់ពាក់ព័ន្ធទៅនឹងករណីគ្រឿងញៀន ។
លុះដល់ថ្ងៃត្រង់ ថ្ងៃដដែល ស្រាប់តែមានប្រជាពលរដ្ឋបានទៅចង់គោ ក៏ប្រទះសាកសពក្នុងទឹក ក៏បានរាយការណ៍ជូនសមត្ថកិច្ច ។
បន្ទាប់ពីសមត្ថកិច្ចមកពិនិត្យសពជាច្រើនម៉ោង ទើបប្រគល់ឲ្យក្រុមគ្រួសារយកមកធ្វើបុណ្យតាមប្រពៃណីព្រោះមិនពាក់ពន្ធ័ករណីឃាដកម្មអ្វីនោះទេ ៕ យឹម សុថាន
