សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ នៅវេលាម៉ោង៤និង៣០នាទីរសៀល ថ្ងៃទី១៩ ខែធ្នូ ឆ្នាំ២០១៩ នៅចន្លោះគីឡូម៉ែត្រលេខ 129-130 ភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍កើតឡើងរវាងរថយន្តធុនធំ(រថយន្តបែន) និងម៉ូតូមានទិសដៅបញ្ច្រាសគ្នា ព្រះសីហនុ.ភ្នំពេញ គឺរថយន្ត ពាក់ស្លាកលេខ ភ្នំពេញ 3E-4933 (អ្នកបើកបរបានរត់គេចបាត់) និងម៉ូតូម៉ាកឌ្រីមសង់ ពណ៌ខ្មៅ ពាក់ស្លាកលេខកោះកុង 1B-9621 បើកបរដោយឈ្មោះ សៀង សឿន ភេទប្រុស អាយុ48ឆ្នាំ បណ្តាលឲ្យអ្នកបើកបរម៉ូតូស្លាប់នៅ នឹងកន្លែង មានទីលំនៅភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ ។
បច្ចុប្បន្នរថយន្ត និងម៉ូតូ សមត្ថកិច្ចយកទៅរក្សាទុកនៅអធិការនគរបាលស្រុកកំពង់សីលា ចំណែកសាកសពបានប្រគល់ជូនទៅក្រុមគ្រួសារយកទៅធ្វើបុណ្យតាមប្រពៃណី ៕ ឆ្លាម សមុទ្រ
