សារព័ត៌មាន នគរវត្ត តែងតែនាំមុខគេជានិច្ច
ខេត្តព្រសីហនុ៖ រថយន្ត២គ្រឿងបុកប៉ះគ្នា កាលពីម៉ោង១០និង៣០នាទីយប់ ថ្ងៃទី២០ ខែធ្នូ ឆ្នាំ២០១៩ នៅចន្លោះគីឡូម៉ែត្រ 113-114 ស្ថិតក្នុងភូមិស្ទឹងច្រាល ឃុំអូរបាក់រទះ ស្រុកកំពង់សីលា ខេត្តព្រះសីហនុ ទិសដៅស្របគ្នា ពីភ្នំពេញ ទៅខេត្តព្រះសីហនុ ។
សមត្ថកិច្ចបញ្ជាក់ថា ទីមួយរថយន្តបែន ពណ៌ខៀវ អត់ស្លាកលេខ បានជ្រុលទៅបុកពីក្រោយរថយន្តម៉ាកហុីយ៉ានដាយ ពាក់ស្លាកលេខ កំពង់ស្ពឺ 3A-9009 អ្នកបើកបរឈ្មោះ សុីន រិទ្ធី ភេទប្រុស អាយុ២៨ឆ្នាំ ទីលំនៅភូមិត្រពាំងតាលួង ឃុំស្គុះ ស្រុកសំរោងទង ខេត្តកំពង់ស្ពឺ ។
ហេតុការណ៍នេះ បណ្ដាលឲ្យអ្នកបើកបររថយន្តទីមួយ (មិនទាន់ស្គាល់អត្តសញ្ញាណ) រងរបួសធ្ងន់បាក់ជើងខាងស្ដាំ បានបញ្ជូនទៅសង្រ្គោះនៅមន្ទីរពេទ្យបង្អែកខេត្តកំពង់ស្ពឺ ។
រថយន្តទាំងពីរ សមត្ថកិច្ចយកទៅរក្សាទុកនៅអធិការដ្ឋាននគរបាលស្រុកកំពង់សីលា ដើម្បីបន្តតាមនីតិវិធី ៕ឆ្លាម សមុទ្រ
