សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ នៅវេលាម៉ោង ៧និង៣០នាទីព្រឹក ថ្ងៃ ចន្ទ ១២រោច ខែ មិគសិរ ឆ្នាំ កុរ ឯកស័ក ព.ស.២៥៦៣. ត្រូវនឹង ថ្ងៃទី២៣ ខែធ្នូ ឆ្នាំ២០១៩ មានការភ្ញាក់ផ្អើលមួយបន្ទាប់ពីមានជាងសំណង់បរទេសម្នាក់ បានធ្លាក់ពីលើអគារកំពុងសាងសង់ជាន់ទី៦ ក្នុងការដ្ឋានសំណង់ បរិវេណក្រុមហ៊ុនកាស៊ីណូ ហូលីដេផាលេស ស្ថិតនៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បណ្តាលឲ្យស្លាប់ភ្លាមៗមួយរំពេច។
សមត្ថកិច្ចនគរបាលក្រុងប៉ោយប៉ែតបានឲ្យដឹងថា ជនបរទេសរូបនេះ មានឈ្មោះ LIU WANJUN ភេទប្រុស អាយុ ៣១ឆ្នាំ សញ្ជាតិ ចិន មុខរបរ កម្មករសំណង់ មានស្រុកកំណើត នៅខេត្តហ៊ីណានប្រទេសចិន បានធ្លាក់ពីលើអាគារជាន់ទី៦ដែលកំពុងសាងសង់ខណៈដែលជនរងគ្រោះកំពុងបំពេញការងារ នៅក្នុងបរិវេណក្រុមហ៊ុនកាស៊ីណូ ហូលីដេផាលេស បណ្តាលឲ្យបែកក្បាល និងបោកដងខ្លួនស្លាប់ភ្លាមៗនៅកន្លែងកើតហេតុតែម្តង។
បច្ចុប្បន្នសាកសពជនរងគ្រោះ ត្រូវបានអាជ្ញាធរមានសមត្ថកិច្ច យកទៅតំកល់ទុក នៅមន្ទីរពេទ្យបង្អែកក្រុងប៉ោយប៉ែត រង់ចាំក្រុមគ្រួសារ យកទៅធ្វើបុណ្យនៅប្រទេសកំណើត៕ វណ្ណា
