សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បនល្បែងសង្វៀនជល់មាន់ដុះស្លែមួយកន្លែងត្រូវបានកម្លាំងជំនាញ ព្រហ្មទណ្ឌស្រុកសំបូរ សហការជាមួយកម្លាំងប៉ុស្តិ៍នគរបាលរដ្ឋ បាលឃុំកំពង់ចាម ដឹកនាំដោយលោកវរសេនីយ៍ត្រី ណយ សុីថាច អធិការរងចុះបង្ក្រាប និងរុះរើខ្ទេចខ្ទីអស់ទាំងស្រុង និងប្រមូលបានវត្ថុតាំងជាច្រើនឯអ្នកងប់ នឹងល្បែងរត់គេចអស់ ។
ការចុះបង្ក្រាបនោះ សមត្ថកិច្ចបានចុះប្រតិបត្តិការនៅវេលាម៉ោង១៤និង៣០នាទី ថ្ងៃទី២១ ខែធ្នូ ឆ្នាំ២០១៩ នៅចំណុចត្រពាំងត្រាំដុំ ភូមិវឌ្ឍនៈ ឃុំវឌ្ឃនៈ ស្រុកសំបូរ ខេត្តក្រចេះ ។
ប្រភពពសមត្ថកិច្ចបានឲ្យដឹងថា ពេលកម្លាំងសមត្ថកិច្ចចុះទៅដល់កន្លែងសង្វៀនជល់មាន់នោះ ក្រុមអ្នកងប់ នឹងល្បែងគ្រប់ប្រភេទនៅទីនោះ បានរត់គេចខ្លួនបាត់អស់ ដោយបន្សល់ទុកនូវវត្ថុតាងដែលខ្លួនស្រឡាញស្មើជីវិតនោះរួមមាន៖
ម៉ូតូម៉ាកឌ្រីមចំនួន០៣គ្រឿង មាកអាល់ហ្វាចាស់ៗ ចំនួន០៣គ្រឿង ម៉ាកស្មាស់ចាស់ចំនួន១គ្រឿង និងមាន់គក៤ក្បាលហើយងាប់១ ក្បាលផងដែរ ។
ក្រៅពីនោះ ក៏នៅមានខ្នាយសំរាប់បំពាក់តជើងមាន់ចំនួន ២គូ ជញ្ជីងថ្លឹង១ ស្គុតរុំខ្នាយមាន់ចំនួន៥០ដុំ ស្បៃរុំ និងវត្ថតាងមួយចំនួនទៀត ។
ក្រោយពីសមត្ថកិច្ចុះបង្ក្រាបនោះ បានរុះរើកម្តេចចោលសង្វៀននោះដែរ។ ឯម្ចាស់សង្វៀនមិនត្រូវបានបញ្ចេញអត្តសញ្ញាណឲ្យដឹងនោះទេ ៕ ជីវ័ន្ត
