សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់បានជិះម៉ូតូមួយគ្រឿង ស៊េរីឆ្នាំ២០២០ មកធ្វើសកម្មភាពកាច់សោ.កម៉ូតូរបស់ជាងសំណង់មួយគ្រឿង ស៊េរីឆ្នាំ២០១៦ ដែលចាក់សោត្រឹមត្រូវចតទុកខាងក្រោមផ្ទះតែមិនបានសម្រេចត្រូវប្រជាពលរដ្ឋឃើញទាន់ចាប់ប្រគល់ឲ្យសមត្ថកិច្ចកាលពីវេលាម៉ោង១រសៀល ថ្ងៃទី៦ ខែមករា ឆ្នាំ២០២០ នៅខាងជើងផ្សារឯករាជ្យ២ ភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
សមត្ថកិច្ចបញ្ជាក់ថា ជនរងគ្រោះឈ្មោះ ឈិត ប្រុស ភេទប្រុស អាយុ៣៦ឆ្នាំ មុខរបរជាងសំណង់ ស្នាក់នៅកន្លែងកើតហេតុ។ ជនសង្ស័យឈ្មោះ ឌីថា ភេទប្រុស អាយុ២២ឆ្នាំ មុខរបរត់ឌុប ស្នាក់នៅសង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅភូមិរុង ឃុំក្រាំងលាវ ស្រុកបាទី ខេត្តកែវ ។ ទី២ឈ្មោះ តាំអុយ ភេទប្រុស អាយុ២៣ឆ្នាំ ស្នាក់នៅម្តុំផ្សារសែនមនោរម្យ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតខេត្តត្បូងឃ្មុំ ។
តាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះបានជិះម៉ូតូម៉ាកហុងដាឌ្រីមសង់ ស៊េរីឆ្នាំ២០១៦ ពណ៍ខ្មៅ ពាក់ស្លាកលេខ ភ្នំពេញ 1GD1933 មកពីធ្វើការហើយបានចតទុកខាងក្រោមផ្ទះដោយចាក់សោ.ក និងសោជន្ទល់ត្រឹមត្រូវហើយបានឡើងទៅផ្ទះជាន់ទី២បាត់។
លុះរហូតមកវេលាកើតហេតុ ស្រាប់តែមានជនសង្ស័យចំនួន២នាក់ជិះម៉ូតូម៉ាកហុងដាស៊េរីឆ្នាំ២០២០ ពណ៍ខ្មៅ ពាក់ស្លាកលេខ ភ្នំពេញ 1HV 8934 មកធ្វើសកម្មភាពកាច់សោ.ក និងឆ្កឹះសោជន្ទល់ភ្លាមនោះ ស្រាប់តែប្រជាពលរដ្ឋមកឃើញទាន់ចាប់វាយម្នាក់មួយដៃមួយជើងរួចប្រគល់ជូននគរបាលចាត់ការតាមច្បាប់ ៕ សុខាសែនជ័យ
