សង្ស័យភ្លើងប្រចណ្ឌ! បុរសម្នាក់បាញ់ស្ត្រីជាសង្សាររបស់ខ្លួនស្លាប់ ក្រោយពេលបញ្ជូនទៅសង្គ្រោះនៅមន្ទីរពេទ្យ

ភ្នំពេញ៖ បុរសម្នាក់សង្ស័យប្រចណ្ឌនឹងសង្សាររបស់ខ្លួនបានដកកាំភ្លើងបាញ់រះជាច្រើនគ្រាប់ ទៅលើស្ត្រីជាសង្សារបណ្ដាលឲ្យរងរបួសធ្ងន់ធ្ងរ ហើយបានបញ្ជូនទៅសង្គ្រោះតែជាអកុសល ជនរងគ្រោះក៏បានស្លាប់ក្រោយពេលបញ្ជូនទៅសង្គ្រោះនៅឯមន្ទីរពេទ្យ ។

ហេតុការណ៍ភ្ញាក់ផ្អើលបានកើតឡើងនៅវេលាម៉ោងប្រមាណជាង៨យប់ ថ្ងៃទី១៦ ខែមករា ឆ្នាំ២០២០ ស្ថិតនៅចំណុចផ្ទះលេខ ០៣ ផ្លូវបេតុងBT ក្នុងបុរីរំចេក ភូមិអូរដឹមសង្កាត់កន្ទោក ខណ្ឌកំបូល រាជធានីភ្នំពេញ ។ សពជនរងគ្រោះ និងជនដៃដល់មិនទាន់ស្គាល់អត្តសញ្ញាណនៅឡើយទេ ។

តាមប្រភពពីប្រជាពលរដ្ឋរស់ក្បែរកន្លែងកើតហេតុបានឲ្យដឹងថា ផ្ទះដែរទីតាំងកើតហេតុខាងលើនេះគឺមានសង្សារមួយគូស្នាក់នៅហើយពួកគេទាំងពីរនាក់ មិនដឹងជាមានរឿងអ្វីនោះទេ លុះដល់ម៉ោងកើតហេតុបានឮសំឡេងផ្ទុះអាវុធជាច្រើនគ្រាប់ ។

ប្រភពដដែលបន្តទៀតថា បន្ទាប់ពីមានការភ្ញាក់ផ្អើលហើយ នាំគ្នាទៅមើលឃើញស្ត្រីម្នាក់ដេកសន្លប់ស្តូកស្តឹងនៅក្នុងថ្លុកឈាមនៅក្នុងផ្ទះដែលពួកគេស្នាក់នៅ ។ ភ្លាមភ្លាមនោះ គេឃើញបុរសម្នាក់សង្ស័យជាសង្សាររបស់ជនរងគ្រោះបានលើកជនរងគ្រោះដាក់តាមម៉ូតូកង់បីមួយគ្រឿង បញ្ជូនទៅគ្រោះនៅឯមន្ទីរពេទ្យភ្លាមៗ តែដោយសារជនរងគ្រោះរបួសធ្ងន់ធ្ងរពេក បានស្លាប់នៅឯមន្ទីរពេទ្យ ។ ចំជនដៃជនដៃដល់ក្រោយពីធ្វើសកម្មភាពរួចបានរត់គេចខ្លួនបាត់ស្រមោល ។

ក្រោយកើតហេតុ សមត្ថកិច្ចមូលដ្ឋានបានចុះមកដល់កើតហេតុរួចបានទំនាក់ទំនងទៅសមត្ថកិច្ចជំនាញចុះមកពិនិត្យនៅកន្លែងកើតហេតុ ។ ដោយ ឡែកសពជនរងគ្រោះត្រូវបានដឹកទៅតម្កល់នៅក្នុងវត្តស្ទឹងមានជ័យរង់ចាំសមត្ថកិច្ចជំនាញចុះទៅធ្វើកោសល្យវិច័យដើម្បីប្រគល់សពជូនទៅសាច់ញាតិយកទៅធ្វើបុណ្យតាមប្រពៃណី ។

ចំពោះករណីខាងលើនេះ សមត្ថកិច្ចកំពុងតែស្រាវជ្រាវបន្ត ៕ សុខាសែនជ័យ