សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចនគរបាលប៉ុស្តិ៍ផ្សារដេប៉ូ២បានឃាត់ខ្លួនយុវជន២នាក់ភ្លាមៗបន្ទាប់ពីធ្វើសកម្មភាពឆក់កាបូបរបស់ប្រជាពលរដ្ឋនៅចំណុចមុខផ្ទះលេខ០១B ផ្លូវលេខ១៣៨ កែង២១៥Z ក្រុមទី២៤ ភូមិ៩ សង្កាត់ផ្សារដេប៉ូទី២ ខណ្ឌទួលគោករាជធានីភ្នំពេញកាលពីព្រឹកថ្ងៃទី១៦ខែមករាឆ្នាំ២០២០ ។
បើតាមសមត្ថកិច្ចបានឲ្យដឹងថា ជនសង្ស័យទី១ ឈ្មោះយៀនរ៉ាវុធហៅវុធ អាយុ១៧ឆ្នាំ មុខរបរមិនពិតប្រាកដស្នាក់នៅផ្ទះលេខ៤២ ផ្លូវសុកហុក សង្កាត់អូឫស្សីទី១ ខណ្ឌ៧មករារាជធានីភ្នំពេញ ជាអ្នកបើកម៉ូតូធ្វើសកម្មភាព និងទី២ឈ្មោះឈាក សុវណ្ណរតនៈ ហៅរតនៈ អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះលេខ២៧ ផ្លូវសុខហុក សង្កាត់អូរឫស្សីទី១ ខណ្ឌ៧មករា រាជធានីភ្នំពេញ ជានាក់ធ្វើសកម្មភាពឆក់ ។
ចំណែកជនរងគ្រោះមានឈ្មោះ កែវ សេង អាយុ៧១ឆ្នាំ មុខរបរមេផ្ទះស្នាក់នៅផ្ទះលេខ២០B ផ្លូវលេខ១៣៨ ក្រុមទី៣០ ភូមិ១០ សង្កាត់ផ្សារដេប៉ូទី២ ខណ្ឌទួលគោករាជធានីភ្នំពេញ ។
បច្ចុប្បន្នជនសង្ស័យទាំង២នាក់ត្រូវបានសមត្ថកិច្ចនាំខ្លួនយកទៅសាកសួរនៅអធិការដ្ឋាននគរបាលខណ្ឌទួលគោកដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការបន្តតាមនីតិវិធី ៕ ជ្រោយពេជ្រ
បុរសជាសន្តិសុខងងឹតមុខដួលបោកក្បាលផ្ទប់ទូរកញ្ចក់មុតចេញឈាមសន្លប់ត្រូវបានអ្នកជិតខាងបញ្ជូនទៅសង្គ្រោះនៅកាល់ម៉ែត
ភ្នំពេញ៖ បុរសជាសន្តិសុខម្នាក់ជួយលក់ឥវ៉ាន់ប្រពន្ធសុខៗ ស្រាប់តែងងឹតមុខដួលបោកក្បាលផ្ទប់ទូកញ្ចក់មុតចេញឈាមសន្លប់ស្តូកស្តឹងត្រូវបានអ្នកជិតខាង និងសាច់ញាតិបញ្ជូនទៅសង្គ្រោះនៅកាល់ម៉ែត ។
ហេតុការណ៍នេះ បានកើតឡើងកាលពីម៉ោង៧ និង៣០នាទីយប់ ថ្ងៃទី ១៦ ខែមករា ឆ្នាំ ២០២០ ស្ថិតនៅផ្ទះលក់ឥវ៉ាន់ចាប់ហួយមួយកន្លែង ខាងកើតជ្រោះបាត់ស្នេហ៍ ក្នុងភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានី ភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា ជនរងគ្រោះមានឈ្មោះហៀង អាយុ៥៣ឆ្នាំ មុនរបរជាសន្តិសុខក្រុមហ៊ុនស្នាក់នៅកន្លែងកើតហេតុ ។
ប្រភពបន្តថា នៅមុនពេលកើតហេតុ បុរសរូបនេះបានជួយលក់ឥវ៉ាន់ចាប់ហួយរបស់ប្រពន្ធគាត់សុខៗ ស្រាប់តែងងឹតមុខដួលបោកក្បាលផ្ទប់ទូរកញ្ចក់បណ្តាលឲ្យកញ្ចក់មុតចេញឈាមរបួសធ្ងន់សន្លប់ត្រូវបានអ្នកជិតខាង និងសាច់ញាតិបញ្ជូនតាមរ៉ឺម៉កទៅសង្គ្រោះបន្ទាន់នៅមន្ទីរពេទ្យកាល់ម៉ែត ៕ ជ្រោយពេជ្រ
