សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជាសន្តិសុខម្នាក់ជួយលក់ឥវ៉ាន់ប្រពន្ធសុខៗ ស្រាប់តែងងឹតមុខដួលបោកក្បាលផ្ទប់ទូកញ្ចក់មុតចេញឈាមសន្លប់ស្តូកស្តឹងត្រូវបានអ្នកជិតខាង និងសាច់ញាតិបញ្ជូនទៅសង្គ្រោះនៅកាល់ម៉ែត ។
ហេតុការណ៍នេះ បានកើតឡើងកាលពីម៉ោង៧និង៣០នាទីយប់ ថ្ងៃទី១៦ ខែមករា ឆ្នាំ ២០២០ ស្ថិតនៅផ្ទះលក់ឥវ៉ាន់ចាប់ហួយមួយកន្លែង ខាងកើតជ្រោះបាត់ស្នេហ៍ ក្នុងភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា ជនរងគ្រោះមានឈ្មោះហៀង អាយុ៥៣ឆ្នាំ មុនរបរជាសន្តិសុខក្រុមហ៊ុនស្នាក់នៅកន្លែងកើតហេតុ។
ប្រភពបន្តថា នៅមុនពេលកើតហេតុ បុរសរូបនេះ បានជួយលក់ឥវ៉ាន់ចាប់ហួយរបស់ប្រពន្ធគាត់សុខៗ ស្រាប់តែងងឹតមុខដួលបោកក្បាលផ្ទប់ទូកញ្ចក់បណ្តាលឲ្យកញ្ចក់មុតចេញឈាមរបួសធ្ងន់សន្លប់ត្រូវបានអ្នកជិតខាង និងសាច់ញាតិបញ្ជូនតាមរ៉ឺម៉កទៅសង្គ្រោះបន្ទាន់នៅមន្ទីពេទ្យកាល់ម៉ែត ៕ ជ្រោយពេជ្រ
