ចាប់ខ្លួនកម្មករសំណង់ម្នាក់ រួមនឹងគ្រឿងញៀនជាងកន្លះគីឡូក្រាម

ភ្នំពេញ៖ បុរសម្នាក់ ដែលជាកម្មករសំណង់បានធ្វើសកម្មភាពប្រុងចែកចាយគ្រឿងញៀន ក៏ត្រូវកម្លាំងប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួនភ្លាមៗ និងដកហូតថ្នាំញៀនជាងកន្លះគីឡូក្រោម ។

ករណីចាប់ខ្លួនជនជួញដូរគ្រឿងញៀនខាងលើនេះ បានធ្វើឡើងកាលពីវេលាម៉ោង៣ទៀបភ្លឺថ្ងៃទី១៦ ខែមករា ឆ្នាំ២០២០ នៅចំណុចផ្លូវលេខ១៩៨៦ ភូមិភ្នំពេញថ្មីសង្កាត់ភ្នំពេញថ្មី ខណ្ឌសែនសុខ ។

មន្រ្តីនគរបាលខណ្ឌសែនសុខ បានឲ្យដឹងថា ជនសង្ស័យដែលឃាត់ខ្លួននោះ មានឈ្មោះ ពឹង គឹមហ័ន ភេទប្រុស អាយុ៣៥ ជនជាតិខ្មែរ មុខរបរកម្មករសំណង់ ស្នាក់នៅបន្ទប់ជួល ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (ដកហូតម្សៅក្រាមពណ៍សថ្លាចំនួន០១ថង់ធំ ប្រហែលជាងកន្លះគីឡូក្រោម និងម៉ូតូ០១គ្រឿង ម៉ាកកាវាសាគី ពណ៌ផ្កាឈូក ពាក់ស្លាកលេខភ្នំពេញ1CA-4454 ,ទុរសព្ទ័ដៃណូគារចុចពិល០១គ្រឿង , និងទូរសព្ទ័ដៃម៉ាកអាយហ្វូន០១ឡករឿង ) ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមច្បាប់ ៕ ចន្ទ លីហ្សា